Vlag van die Kerseiland

Die vlag van die Kerseiland is op 26 Januarie 2002 amptelik in gebruik geneem. Die vlag vertoon ’n diagonale tweekleur in groen bo en blou onder met ’n wit Suiderkruismotief in die blou driehoek, ’n goue witpylstert in die groen driehoek en ’n groen silhoeët van die eiland in ’n goue skyf in die middel van die vlag.

Vlag van die Kerseiland

Vlag van die Kerseiland
Gebruik	Ander
Verhouding	1:2
Goedgekeur	26 Januarie 2002
Ontwerp	’n Diagonale tweekleur in groen en blou met ’n wit Suiderkruismotief in die blou, ’n goue witpylstert in die groen en ’n groen silhoeët van die eiland in ’n goue skyf in die middel van die vlag.
Ontwerp deur	Tony Couch

Simboliek

Die blou stel die see wat die eiland omring voor en die groen die plantegroei van die eiland. Die Suiderkruismotief is ’n voorstelling van dieselfde motief wat op die Australiese vlag verskyn. Die witpylstert is uniek aan die eiland. Die goue skyf stel die eiland se geskiedenis in die fosfaatmynbou voor en is ingesluit om ’n agtergrond te bied vir die groen silhoeët van die eiland.

Ontwerp

Die ontwerp van die vlag herinner baie aan die vlag van Papoea-Nieu-Guinee.

• 
  Vlag van Papoea-Nieu-Guinee

Eksterne skakels

• (en) Kerseiland by Flags of the World.