Wêreld-bofbal-sagtebalkonfederasie
Die Wêreld-bofbal-sagtebalkonfederasie (WBSC; Frans: Confédération internationale de baseball et softball) is die internasionale beheerliggaam vir die sportsoorte bofbal en sagtebal. Dit was in 2013 gestig deur die versmelting van die Internasionale Bofbalfederasie (IBAF) en die Internasionale Sagtebalfederasie (ISF), die voormalige beheerliggame vir respektiewelik bofbal en sagtebal. Onder die WBSC se organisatoriese struktuur, dien IBAF en ISF nou as onderskeidelik die Bofbalafdeling en die Sagtebalafdeling van die Wêreld-bofbal-sagtebalkonfederasie. Elke afdeling word beheer deur 'n uitvoerende komitee, terwyl die WBSC beheer word deur 'n uitvoerende raad. Met die liggaam se hoofkwartier in Lausanne, Switserland, was die WBSC erkenning gegun as die enigste bevoegde globale gesagsliggaam vir beide die sporte van bofbal en sagtebal deur die Internasionale Olimpiese Komitee tydens die 125ste sessie van die IOK op 8 September 2013. Die WBSC het 208 Nasionale Federasielede in 141 lande in gebiede regoor Asië, Afrika, die Amerikas, Europa en Oseanië. Professionele bofbalorganisasies sowel as jeugorganisasies is ook deel daarvan en vorm 'n arm van die WBSC as medelede.
| Wêreld-bofbal-sagtebalkonfederasie | |
|---|---|
 Vlag van die Wêreld-bofbal-sagtebalkonfederasie
| |
| Engelse naam | World Baseball Softball Confederation |
| Franse naam | Confédération internationale de baseball et softball |
| Afkorting | WBSC |
| Land | wêreldwyd |
| Sportsoorte | Bofbal en Sagtebal |
| Gestig op | 14 April 2013 |
| Gestig in | Tokio, Japan |
| President | Riccardo Fraccari |
| Setel | Pully, Switserland |
| Lede | 141 nasionale federasies |
| Affiliasie | Internasionale Olimpiese Komitee, ARISF, SportAccord |
| Amptelike tale | Engels, Frans, Spaans, Chinees, Japannees, Koreaans |
| Amptelike webwerf | wbsc.org |
As die erkende beheerliggaam in bofbal en sagtebal, word die WBSC gelas met die toesighoudende rol oor alle internasionale kompetisies en hou dit die eksklusiewe regte van alle kompetisies, toernooie en wêreldkampioenskappe waarin nasionale spanne speel. Hierdie regte sluit ook die Olimpiese Spele in, met bofbal en sagtebal wat in 2020 terugkeer vir die Olimpiese Somerspele 2020. Die Wêreld-bofbal-sagtebalkonfederasie se lede behou hulle die reg voor om hul nasionale spanne te organiseer en die spelers daarvan te verkies. Die eksklusiewe bevoegdheid van die WBSC en van sy lede in elke samestellende land om bofbal te sanksioneer en te reguleer is van toepassing in die 141 gebiede waarin die WBSC beskik oor 'n geassosieerde nasionale federasie. Gesprekke om die internasionale beheerliggame van bofbal en sagtebal te versmelt is geïnisieer deur 'n Memorandum van Verstandhouding waardeur die leiers van bofbal en sagtebal ooreengekom het om 'n gesamentlike bod te vorm om deel te vorm van die Olimpiese Somerspele 2020-program.[1][2]
Verwysings wysig
- ↑ (en) "Baseball, softball agree on name". ESPN Olympics. ESPN. 17 Desember 2012. Geargiveer vanaf die oorspronklike op 4 Maart 2016. Besoek op 24 Augustus 2013.
- ↑ (en) Linden, Julian (8 September 2013). "Baseball-softball vow to fight on after Olympic rejection". Reuters. Geargiveer vanaf die oorspronklike op 24 September 2015. Besoek op 18 Januarie 2014.
Eksterne skakels wysig
Wikimedia Commons het meer media in die kategorie Wêreld-bofbal-sagtebalkonfederasie.- (zh) (en) (es) (fr) (ja) (ko) Amptelike webwerf
| Hierdie artikel is in sy geheel of gedeeltelik vanuit die Engelse Wikipedia vertaal. |
