Wandelende jood (plant)
Die wandelende jood (Tradescantia fluminensis) is ’n spesie driemasterplante wat inheems is aan Suid-Amerika waar dit in Argentinië, Brasilië, Paraguay en Uruguay voorkom .[1]
| Wandelende jood | |
|---|---|
| |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Genus: | |
| Spesie: | T. fluminensis
|
| Binomiale naam | |
| Tradescantia fluminensis Vell., (1829)
| |
| Sinonieme | |
| |
Eienskappe
wysig
T. fluminensis is ’n meerjarige dekplant wat op die grond kruip met sagte, haarlose stamme en blare. Die vlesige stamme skiet wortel by enige stingelknoop wat aan die grond raak. Dit het ovaalvormige, donkergroen en puntige blare wat blink, glad en effens vlesig is, sowat 3 tot 6 cm lank. Die blomme is wit met drie kroonblare van sowat 1,27 tot 2,5 cm breed. Hulle kom in klein trosse voor in die somer, maar vervaardig nie saad nie.
Dit word as ’n tuin- of huisplant gekweek, veral die soorte met gestreepte blare. Sommige kultivars se blare is pienk getint. Dit groei maklik en vinnig en is uiters geskik vir ’n hangmandjie.
Die plant het klam grond nodig, maar hou nie van koue streke nie, veral waar daar ryp of sneeu is. Dit kan baie skaduwee verdra. Omdat dit vogtigheid nodig het, groei dit stadig, indien enigsins, op sonnige plekke waar die grond vir lang tydperke uitgedroog word. Omdat dit water behou, kan dit egter droë periodes weerstaan; dit begin dan weer groei as die toestande verbeter.
Probleme
wysigAs die plant se lote lank en dun is, kry dit te min lig. As die blare bruin word, is dit te droog. Plantluise kan ook voorkom.[2]
Indringerplant
wysigDie wandelende jood is 'n kategorie 1b-indringerplant dwarsoor Suid-Afrika, en moet beheer word volgens artikel 75(1), (2) en (3) van Wet op Biodiversiteit, 2004 (Wet 10 van 2004).[3] Hierdie plant het die potensiaal om dik plantmatte te vorm en plaaslike habitatte oor te neem. Dit word hoofsaaklik versprei deur tuiniers wat steggies daarvan aan ander tuiniers gee, of dit in tuinvullis plaas waar dit weer kan wortelskiet en groei.[4]
Sien ook
wysigVerwysings
wysig- ↑ https://powo.science.kew.org/taxon/urn:lsid:ipni.org:names:30090792-2
- ↑ Longman, David. Gesonde Huisplante, Stap vir Stap Geïllustreer, J.L. van Schaik, Pretoria. 1992. ISBN 0 627 01827 0
- ↑ NEMBA Indringerspesielyste gepubliseer in die Staatskoerant op 29 Julie 2016 – Lys 1: Nasionale lys van Landelike- en Varswaterindingerplante. Staatskoerant, 29 Julie 2016. URL besoek op 2018-09-22.
- ↑ ARC-PPRI fact sheet on invasive alien plants and their control in South Africa: Wandering Jew (Tradescantia fluminensis). Landbounavorsingsraad. URL besoek op 2018-09-22.
Eksterne skakels
wysig- Standard Data Report: Tradescantia fluminensis – Taksonomiese inligting
Wikimedia Commons het meer media in die kategorie Wandelende jood (plant).
Wikispecies het meer inligting verwant aan Wandelende jood (plant)
Hierdie artikel is vertaal uit die Engelse Wikipedia
