Warka-vaas
Die Warka-vaas of Uruk-vaas is ’n dun, gegraveerde alabasterhouer wat in die tempelkompleks van die Sumeriese godin Inanna in die ruïnes van die antieke stad Uruk, in die hedendaagse Irak, ontdek is. Nes die Narmer-palet van antieke Egipte is dit een van die oudste werke van verhalende reliëfpottebakkey wat bewaar gebly het – dit dateer van omstreeks 3200-3000 v.C.[1] Eenvoudige reliëferdeware is ook bekend van veel vroeër tydperke, soos omstreeks 9000 v.C. uit Göbekli Tepe.
| Warka-vaas | ||
.jpg)
| ||
| Die oorspronklike Warka-vaas, Nasionale Museum van Irak, Maart 2019. | ||
| Ander naam | Uruk-vaas | |
| Beskrywing | ||
| Materiaal | Albaster | |
| Geskep/ontstaan | c. 3200-3000 v.C. | |
| Ontdekking | ||
| Plek ontdek | Uruk, Irak | |
| Kultuur | Mesopotamies | |
| Tans in | Nasionale Museum van Irak | |
Die onderste deel van die vaas beeld natuurlike komponente van die lewe uit, insluitende water en plante. Net bo dit loop ramme en ooie om die beurt in enkelgelid. Op die middelste deel is naakte mans wat mandjies kos dra, wat offerandes simboliseer. Die boonste deel beeld Inanna uit wat ’n votiewe offer aanvaar.[2]
Ontdekking
wysigDie vaas is in 1933/'34 as ’n versameling fragmente deur Duitse Assirioloë ontdek terwyl hulle uitgrawings by Uruk gedoen het. Die vonds is op 2 Januarie 1934 as nommer W14873 in hulle veldboek aangeteken: "Großes Gefäß aus Alabaster, ca. 96 cm hoch mit Flachrelief" ("groot houer van albaster, sowat 96 cm hoog met plat reliëfs").[3] Die vaas, wat lyk of dit in antieke tye herstel is, is 1 m hoog.[1] Volgens ander bronne kon dit effens hoër, 106 cm, gewees het met ’n boonste deursnee van 36 cm.[4][5]
Die vaas is genoem na die moderne dorp Warka, wat in antieke tye as Uruk aan die Sumeriërs bekend was. ’n Pleisterafdruk is van die oorspronklike vaas gemaak en dit het dekades lank in die Vorderasiatisches Museum Berlin in Duitsland gestaan.[4]
Versiering
wysig.jpg)
Die vaas het vier bane met beelde. Die onderste baan beeld die plantegroei in die Tigris- en Eufraatdelta uit, soos riete en graan. Net bo dit loop skape in gelid. In die derde baan loop naakte mans met bakke en bottels offerandes, soos vrugte en graan. In die boonste baan is ’n volle toneel, nie ’n aaneenlopende patroon soos in die ander bane nie. Hier eindig die optog in die tempel. Inanna, wat later by die Akkadiërs as Isjtar bekend was, ontvang ’n bak vrugte en graan van ’n naakte figuur. ’n Figuur in seremoniële drag – vermoedelik ’n priester – staan naby haar.[1]
Boonste baan
wysig-
Warka-vaas, Irak-museum. -
Warka-vaas, Irak-museum. -
Warka-vaas, Irak-museum. -
Warka-vaas, Irak-museum.
Verwysings
wysig- ↑ 1,0 1,1 1,2 Kleiner, Fred S.; Mamiya, Christin J. (2006). Gardner's Art Through the Ages: The Western Perspective – Volume 1 (12de uitg.). Belmont, Kalifornië, VSA: Thomson Wadsworth. pp. 20–21. ISBN 0-495-00479-0.
- ↑ Stokstad, Marilyn (2018). Art History. Upper Saddle River: Pearson. p. 30. ISBN 9780134479279.
- ↑ Ralf B. Wartke, "Eine Vermißtenliste (2): Die "Warka-Vase" aus Bagdad Geargiveer 28 September 2007 op Wayback Machine", Frankfurter Allgemeine Zeitung 26 April 2003, No. 97, bl. 39.. Engelse vertaling: here.
- ↑ 4,0 4,1 Ralf B. Wartke, "Eine Vermißtenliste (2): Die "Warka-Vase" aus Bagdad Geargiveer 28 September 2007 op Wayback Machine", Frankfurter Allgemeine Zeitung 26 April 2003, No. 97, bl. 39.. Engelse vertaling: here.
- ↑ Oriental Institute, Chicago, Lost Treasures from Iraq-Warka Vase Geargiveer 30 Mei 2014 op Wayback Machine, besoek op 8 Junie 2007.
Skakels
wysig- "Lost Treasures from Iraq—Objects" (Oriental Institute of the University of Chicago)
- "The Warka Vase" (ancientworlds.net)
Wikimedia Commons het meer media in die kategorie Warka-vaas.
Hierdie artikel is in sy geheel of gedeeltelik uit die Engelse Wikipedia vertaal.
