Webjoernaalsfeer

Webjoernaalsfeer is die kollektiewe term wat na alle webjoernale verwys as 'n gemeenskap of sosiale netwerk. Verskeie webjoernale word nou inmekaargeskakel weens die groot hoeveelheid skakels tussen dié webjoernale. Verskeie skrywers skakel na en skryf gereeld op ander webjoernale. Weens hierdie interverweeftheid is 'n unieke webjoernaalkultuur besig om te ontwikkel.

Geskiedenis

Die term webjoernaalsfeer (Engels: blogosphere) word deur Brad L. Graham op 10 September 1999 geskep as 'n grap. Dit word weer in 2002 deur William Quick gebruik en word gou aanvaar en gepropageer deur die oorlogwebjoernaal gemeenskap. Vanaf 2006 word die term webjoernaalsfeer al hoe meer gebruik in veral die Engelstalige pers.

Die term kom in Engels ooreen met 'n veel ouer woord naamlik "logosfeer". Die Griekse stam "logo" beteken "woord," en "sfeer" kan geïnterpreteer word as "wêreld" wat dus beteken "die wêreld van woorde".

Die konsep webjoernaalsfeer is belangrik om webjoernale se betekenis te verstaan. Webjoernale is in werklikheid gewoonlik net gepubliseerde teks van die skrywer se gedagtes, terwyl die webjoernaalsfeer verwys na 'n sosiale fenomeen. Die aspek wat webjoernale anders maak as gewone webwerwe en forums is dat webjoernale deel is van 'n veranderende internet waarin wye sosiale netwerk gevorm word deur die verskeie skakels tussen die verskillende webjoernale.

Die webjoernaalsfeer is besig om toon aan te gee om die publieke mening te vorm en weerspieël terwyl dit ook bydra om kulturele meme te vestig. Die webjoernaalsfeer word toenemend deur die akademie en media voorgehou as verteenwoordigend van baie moderne tendense soos byvoorbeeld globalisering.

Nasporing

Webwerwe soos Technorati, Blogdex, Bloglines, Blogrunner, Blog Street, BlogsNow, PubSub, en Truth Laid Bear gebruik skakels wat geskep word deur webjoernaalskrywers om die interverweeftheid van webjoernale na te spoor. Deur hiperteksskakels te volg wat as merkers vir onderwerpe gebruik word wat deur webjoernaalskrywers bespreek word, kan die webwerwe 'n gesprek volg van webjoernaal na webjoernaal. Dit kan ook navorsers help ten einde te bepaal wat die spoed is waarmee 'n meem deur die webjoernaalsfeer versprei, om die webjoernale te identifiseer wat belangrik is vir vroeë erkenning.

Die nie-Engelse webjoernaalsfeer

Engels was die oorheersende taal tydens die beginjare van die webjoernaalsfeer. Terselfdertyd was dit grootliks 'n VSA-gesentreerde fenomeen. Hierdie situasie het die afgelope tyd verander. Die webjoernaalsfeer is tans meertalig en ook al hoe meer verteenwoordigend van die breë wêreldbevolking met veral tans die Asiatiese en Europese tale wat sterk groei toon.

Gedurende April 2006 word gereken dat minder as een derde van alle webjoernaal artikels in Engels is. Japannees en Sjinees groei die vinnigste in die webjoernaalsfeer. Volgens Technocrati se berekeninge (2006) is die volgende tale in volgorde die gewildste vir webjoernale, Japannees, Sjinees, Engels, Spaans, Italiaans, Frans, Portugees, Nederlands en Duits. Koreaans is ook 'n prominente webjoernaaltaal wat onderskat word in die Technocrati evaluasie aangesien die soekenjin nie verskeie prominente Koreaanse webwerwe indekseer nie.

Belangrike webjoernaalsfeer-webruimtes

• Blogdex
• Blogdigger
• Bloglines
• Feedster
• PubSub
• Technorati
• Umbria Inc.