Wessel Jacobus Wessels

Boeregeneraal tydens die Tweede Vryheidsoorlog

Wessel Jacobus Wessels (27 April 1865 - 19 Januarie 1945) was 'n Boeregeneraal tydens die Tweede Vryheidsoorlog. Hy is in Harrismith gebore en sy ouers was Hermanus Nicolaas Wessels en Johanna Wilhelmina Wessels. Hy was met Susanna Magdalena Wessels getroud en hulle het sewe kinders gehad.

Wessel Jacobus Wessels

Nadat die oorlog uitgebreek het, was Wessels na die Natalse front gestuur as deel van die Harrismith-kommando. Hy het later onder Kommandant Marthinus Prinsloo in die Oranje-Vrystaat geveg. Toe Prinsloo in die Brandwater area oorgegee het in Julie 1900 het Wessels daarin geslaag om te ontsnap.

Hy was hierna bevorder tot die hoof van die Harrismith-kommando. In Februarie 1901 was hy saam met generaal Christiaan de Wet se inval in die Kaapkolonie. 'n Maand later word hy aangestel as een van sewe assistent-kommandante in die Oranje-Vrystaat, hy was in beheer van die Vrededistrik. Gedurende die laaste jaar van die oorlog was hy betrokke in verskeie skermutselings met die Britse Magte en het ook die groot Britse skoonmaakoperasie van Februarie 1902 ontwyk. Dit blyk dat Guerilla-oorlogvoering hom soos 'n handskoen gepas het en hy word een van generaal De Wet se staatmakers.

Hy was een van die sestig verteenwoordigers tydens die Verdrag van Vereeniging en het ten gunste van vrede gestem.

Hy is op 19 Januarie 1945 in Reitz oorlede.

BronneWysig