Westonaria

Westonaria is 'n dorp in westelike Gauteng, Suid-Afrika wat bestaan uit 10 saamgeflanste townships met ongeveer 156 598 inwoners. Die dorp lê 18 km suid van Randfontein. Die naam is afgelei van sy ligging, Wesrand, en Western Areas, die maatskappy wat die meeste grond in die omgewing besit het.

Westonaria
Stad
Westonaria
Koördinate: 26°19′4″S 27°39′2″O
Land	Suid-Afrika
Provinsie	Gauteng
Distriksmunisipaliteit	Wesrand
Plaaslike Munisipaliteit	Westonaria
Oppervlak
• Totaal	12,65 km2 (4,88 vk. myl)
Bevolking
• Totaal	10 259
• Digtheid	810/km2 (2 100/vk. myl)
Tydsone	UTC+2 (SAST)
Poskode	Busse: 1780 Strate: 1779
Skakelkodes	011

Geskiedenis

Die dorp is 'n samestelling van verskeie myndorpe. Eerstens het Venterspos en Westonaria, wat eers onder die Randfontein munisipale gebied geval het, saamgesmelt. Westonaria het eers in 1952 'n onafhanklike munisipaliteit geword. Glenharvie en Hillshaven is onderskeidelik in 1965 en 1969 ingelyf.

Distrik

Daar word gemengde boerdery op die kleinhoewes in die omgewing beoefen. Johannesburg se eerste water kom uit 'n boorgat digby Zuurbekom, net noord van Lenasia. Hierdie boorgat word deur Rand Water bestuur en lewer nog steeds water. Daar is verskeie goudmyne in die distrik.

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika. Eric Rosenthal. 1967

Sien ook

• Venterspos, dorpie wat in Westonaria opgeneem is.
• Gereformeerde kerk Westonaria
• NG gemeente Westonaria
• Lys van dorpe in Suid-Afrika