Willem van Zyl

Willem van Zyl was 'n Suid-Afrikaanse verhoogakteur.

Willem van Zyl
Nasionaliteit	Suid-Afrika
Beroep(e)	Akteur

Die Oorskotjie-geselskap, onder leiding van Willem van Zyl, stel voor: Die Verstoteling. 'n Stryd tussen Twee Susters - Die Moeder en haar Gunsteling, die Vader en sy Liefling. Wie van die twee Susters wen Tony Anderson?

Van Zyl begin sy loopbaan in 1927 by die gesamentlike Paul de Groot-geselskap. Hier speel hy in die Gerieflike Huwelik ('n verwerking van Alexandre Dumas se "Un Mariage sous Louis XV"). Toe die geselskap daarna opbreek, werk hy saam met die Hendrik Hanekom Afrikaanse Toneelgeselskap, en speel in Oorskotjie (deur Niccodemi), Onskuldig Veroordeel in 1928/29 en Die Uur van Vergelding (deur Friedrich Gunter) in 1930.

In 1930 trou hy met die aktrise Wena Naudé, en later die jaar smelt hulle saam met Hendrik Hanekom se geselskap om die Hanekom-Van Zyl Geselskap te vorm. Hier speel hy in Wie is Wie (Tons of Money van Will Evans) en Die Silwer Koning (deur H.A. Jones). In dieselfde jaar tree Hanekom uit om 'n skool te begin. Die geselskap is toe na die Wena Naudé-Van Zyl Geselskap hernoem.

Van Zyl en Wena het ’n dogter, Nilo gehad. Hulle is egter in 1940 geskei.