Wena Naudé

	Wena Naudé
	Wena Naudé (links) en Mathilda Hanekom in 1929.
Geboortenaam	Agnes Alwena Naudé
Geboorte	31 Desember 1905; Wakkerstroom
Sterfte	6 September 1978; Pretoria
Nasionaliteit	Suid-Afrika
Beroep(e)	Aktrise
Toekennings	Erepenning vir Toneelkuns
Internet-rolprentdatabasis-profiel

Agnes Alwena (Wena) Naudé (* 31 Desember 1905, dist. Wakkerstroom – †6 September 1978, Pretoria) was ’n Afrikaanse aktrise. Sy was een van die pioniers van die Afrikaanse toneelkuns.

Naudé het op Volksrust en Lydenburg skoolgegaan waarna sy in ’n fietswinkel in Pretoria werksaam was. In haar vrye tyd het sy spraaklesse by Stephanie Faure geneem en in 1924 die finale eksamen afgelê. Daarna het sy verdere toneelopleiding van Paul de Groot ontvang by wie se toneelgeselskap sy aangesluit het. In Julie 1925 het hulle ’n toneelreis met ‘Huistoe’ (Heimat van Sudermann) en in Januarie 1926 met ‘Oorskotjie’ (Nicodemi) onderneem.

Sy was onder meer lid van die geselskappe van Hendrik Hanekom en André Huguenet wat van dorp tot dorp gereis het met hulle toneelstukke. In 1954 het sy die Erepenning vir Toneelkuns van die Suid-Afrikaanse Akademie vir Wetenskap en Kuns ontvang.

Wena was getroud met Willem van Zyl. Hulle het ’n dogter, Nilo, gehad. In 1940 is hulle geskei en in 1943 het sy met Johan Pretorius Pienaar, ’n broer van Sangiro, getrou. In 1947 is sy van Johan ook geskei. Sy het 3 kleinkinders nl. Alwena van der Westhuizen, Riana Jeffery en Wilna van Gass. Haar dogter, Nilo Mostert, het tot en met haar dood (11 Maart 2016) so nou en dan een-man stukke opgevoer by klein funksies. Wena het ook 5 agterkleinkinders, naamlik Sonja, (oorlede), Carl en Riani van der Westhuizen asook Lindie en Stephnie van Gass.

Toneelstukke

Van die toneelstukke waarin sy gespeel het, is:

Huistoe
Oorskotjie
Die Heks
As Mans Huishou
Die Uur van Vergelding
By die Ou Meulstroom
Die Brug op Ons Plaas
Die Wit Perde van Rosmersholm
Die Lewe Wat Ek Jou Gegee Het
Waar Vergiffenis Kon Red
Op Hoop van Seën

Rolprente

Sedert 1947 het sy in meer as dertig Suid-Afrikaanse rolprente gespeel. Van hulle is:

Rolprent	Jaar	Regisseur
Sarie Marais	1947	Joseph Albrecht
Hans-die-Skipper	1953	Bladon Peake
Inspan	1953	Bladon Peake
Paul Krüger	1956	Werner Grünbauer
Basie	1961	Gordon Vorster
As Ons Twee Eers Getroud Is	1962
Die Tweede Slaapkamer	1962	Gordon Vorster
Die Skelm van die Limpopo	1962	Gerrie Snyman
Kavaliers	1966
Hoor My Lied	1967	Elmo de Witt
Oupa for Sale	1968	Richard Daneel
Dr. Kalie	1968	Ivan Hall
Salomien	1972	Daan Retief
Cry Me a Teardrop	1974	Keith van der Wat
Tant Ralie se Losieshuis	1974	Dirk de Villiers
Die troudag van tant Ralie	1975	Dirk de Villiers
Boland!	1974	Bertrand Retief
Die Sersant en die Tiger Moth	1974	Koos Roets
Boland	1974	Bertrand Retief
Jakkalsdraai se Mense	1975
Soekie	1975	Daan Retief
Dingetjie Is Dynamite	1975
Troudag van Tant Ralie	1975	Ivan Hall
Ma Skryf Matriek	1975	Franz Marx
Daar Kom Tant Alie	1976

Literatuur

Botha, Danie. Voetligte en Applous! Die beginjare van die Afrikaanse Beroepstoneel. Pretoria: Protea Boekhuis, 2006. ISBN 1-86919-090-4.

Eksterne skakels

Wena Naudé in die Internet-rolprentdatabasis