Willie Marais (predikant)

Dr. Pieter Willem Marais (5 Mei 1929 – 9 Februarie 2014) was 'n skrywer en predikant van die NG Kerk. Hy was bekend as 'n voortreflike prediker en was die outeur van 54 boeke en honderde artikels, brosjures, pamflette en traktaatjies. Een van sy boekies: Die Heerlikheid Van Ons Verlossing, is in 32 tale vertaal en dwarsoor die wêreld versprei.

Willie Marais
Gebore	Pieter Willem Marais 5 Mei 1929 Christiana
Sterf	9 Februarie 2014 (op 84)
Nasionaliteit	Suid-Afrika
Beroep	Predikant
Bekend vir	Boeke en traktaatjies
Titel	Doktor
Eggenoot	Maryna Otto
Kinders	3
Webwerf	http://www.eeds.co.za

Biografie

Pieter Willem Marais is op 5 Mei 1929 in Christiana gebore. Sy vader was Andries Stephanus Marais en sy moeder Elizie Catharina du Toit.

Hy verwerf in 1949 'n graad in B.A.-Admissie van die U.K.O.V.S. In 1953 word hy aan die kweekskool te Stellenbosch gelegitimeer. Die daaropvolgende jaar is hy op 3 April 1954 as predikant van die Bosmanstraatkerk in Pretoria georden. In 1969 verwerf hy 'n D.D.-Graad aan UNISA.

Marais was met Maryna Otto getroud. Drie kinders, en uiteindelik vyf kleinkinders, is uit die huwelik gebore.

Hy het sewe gemeentes oor sy lewe bedien, naamlik: Pretoria, Odendaalsrus, Brixton, Olifantshoek, Krugersdorp, Bloemfontein en Pretoria-Oos.

In 1981 word hy die besturende direkteur van Trans Wêreld Radio, Suid-Afrika (TWR-SA). Op 1 Augustus 1983 is hy as Predikant in Sinodale Diens, Ampsbediening en Evangelisasie vir Noord-Transvaal aangestel.

Doktor Marais het 'n weeklikse radioprogram vir Radiokansel behartig. Hy het op 5 Mei 1994 met eervolle ontslag afgetree, maar het daarna steeds by verskeie gemeentes op uitnodiging gepreek.

Hy is op 9 Februarie 2014 oorlede.

Bibliografie

Enkele van sy boeke:

• Die Bybel is nog altyd reg: 2009, ISBN 9781920290498

http://www.eeds.co.za/docs/bybelreg.pdf

• The Glory of our salvation: 2010, ISBN 9781920290337

http://www.eeds.co.za/docs/glory.pdf

• A Biblical view of the cosmos, the earth is stationary: 2010, ISBN, 9781920290559

http://www.eeds.co.za/docs/cosmos.pdf

• Die Weg tot saligheid: radio boodskap, 1957
• Ontwaak my siel!. Hart Kolportasie Boekery, 1958
• Belydenisdoop of verbondsdoop, N.G. Kerk-Uitgewers, 1986, ISBN 0869915142
• Moet elkeen 'n datum hê?, N.G. Kerk-Uitgewers, 1972, ISBN 0869910434
• Die terugkoms, Hart-Kolportasie-Boekery, 19?? (medeskrywer)
• Die nuwe lewe in Christus, VG Uitgewers, 2007, ISBN 1919973435
• Die Bybel en ons bydraes, NG Kerkboekhandel, 1988, ISBN 0798705116
• Josef, die heerser, Aktuapers, 1990, ISBN 1868150984
• Onderdompeling of besprinkeling, N.G. Kerkboekhandel, 1977, ISBN 0798701188
• Vrae oor die kinderdoop, besprinkeling en wederdoop beantwoord, N.G. Kerkboekhandel, 1982, ISBN 0798701684
• Ek glo in die Bybel: is die Bybel vandag nog relevant?, Aktua Pers, 2002, ISBN 1868154114
• Lyding in die leerskool van God, N.G. Kerkboekhandel, 1982, ISBN 0798703318
• Hy sorg vir julle (Uitgawe 2), Aktuapers, 1996, ISBN 1868152634
• Koning Agrippa, Hart Uitgewers, 1967
• Afgetree of werkloos: wat nou?, Aktua Pers, 2000, ISBN 1868153649
• Die geestelike toestand van die kerk, 19??
• Waarom ek glo dat kindertjies gedoop moet word, N.G. Kerkboekhandel, 1977, ISBN 0798701056
• Die kinderdoop skriftuurlik verdedig, Universiteit van Stellenbosch, 1959
• Gebed en genesing, Aktua Pers, 1997, ISBN 1868152952
• Here leer ons bid, Aktuapers, 1987, ISBN 1868150011
• 'n Man van God gestuur, Aktua Pers, 2000, ISBN 1868153703
• Saggéüs die tollenaar: hoe word ons salig?, N.G. Kerk-Uitgewers, 1974, ISBN 086991118X
• Die weg na geluk, Die Landstem-Hulpfonds, 19??
• Josef en sy mense, Aktuapers, 1990, ISBN 1868150828
• Wonder en wetenskap, Aktuapers, 1996, ISBN 1868152499
• Persoonlike werk, Skool vir Blindes, 1975
• Die Tien woorde van God (2de uitgawe), NG Kerkboekhandel Transvaal, 1990, ISBN 0798705841
• Ons dode lewe (2de uitgawe), Aktuapers, 1994
• Die Hemel - en hoe om daar te kom, Brailledienste, 1965
• Onder ewige vleuels, Aktuapers, 1995, ISBN 1868152243
• Die Kinderdoop en besprenkeling ja of nee?, W&M Uitgewers, 1974 (saam met D. Oosthuizen)
• Josef 'n droomdebuut, Aktuapers, 1989, ISBN 1868150747
• Die Wonder van die wedergeboorte, Aktuapers, 1994, ISBN 1868151670
• Luister en Lewe, Deel 1, J. P. Van der Walt & Son, 1992, ISBN 0799322954
• Word 'n wenner, Aktuapers, 1993, ISBN 1868151514
• Is jy bekommerd?, Aktuapers, 1993, ISBN 1868151328
• Die Christelike doop, Aktua Pers, 1997, ISBN 1868152863
• God sorg vir ons, Aktua Pers, 2001, ISBN 1868153886
• Afgetree! Wat nou?, HAUM, ISBN 0798632305
• Gelouter deur lyding, Aktuapers, 1995,ISBN 1868152154
• Aktuele sake, Anrics, 2001, ISBN 0958318530
• Geloftedag en die toekoms van die Afrikaner, Anrics, 1996, ISBN 0958318522
• Leierskap, Aktua Pers, 1991, ISBN 1868151050

Verwysings

• ‘n Kritiese Evaluering van Dr. Willie Marais se Prediking, Universiteit van Pretoria, 2006

Eksterne skakels

• (en) Gratis preke en boeke"^{[dooie skakel]}
• (en) Engelse vertaling van "Die Heerlikheid Van Ons Verlossing"