Maak hoofkeuseskerm oop

Willem "Wim" Johan Simon de Villiers (gebore 1959) is sedert 2015 rektor en visekanselier van die Universiteit Stellenbosch (US). Hy het Russel Botman opgevolg nadat lg. skielik dood is aan 'n hartaanval in 2014.[1]

Wim de Villiers

Rektore en visekanselier van die Universiteit Stellenbosch
Ampsbekleër
Termynaanvang
2015
Voorafgegaan deur Russel Botman

Dekaan van die Fakulteit Gesondheidswetenskappe van die Universiteit van Kaapstad

Persoonlike besonderhede
Gebore 1959
Alma mater Universiteit van Oxford
Harvard-universiteit

De Villiers was voorheen die Dekaan van die Fakulteit Gesondheidswetenskappe aan die Universiteit van Kaapstad.[1]

Inhoud

LeweWysig

Nadat hy sy mediese graad verwerf het, het De Villiers na Engeland verhuis, waar hy in 1995 'n doktorsgraad in Immunologie aan die Universiteit van Oxford verwerf het. Daarna verhuis hy na die Verenigde State waar hy as 'n gastro-enteroloog gewerk het. Hy het ook talle senior-posisies by die Universiteit van Kentucky beklee, waaronder die hoof van gastro-enterologie.[1]

Hy het ook 'n meestersgraad in gesondheidsorgbestuur aan Harvard-universiteit verwerf.[1]

OmstredenheidWysig

Taalbeleid aan die Universiteit StellenboschWysig

Wim de Villiers vorm in 2015 'n bestuurspan om namens die Universiteit die taalvraagstuk te besleg. Die bestuurspan beslis dat "alle onderrig aan die Universiteit Stellenbosch in Engels gefassiliteer sal word" en dat "aansienlike akademiese ondersteuning volgens studente se behoeftes in ander Suid-Afrikaanse tale beskikbaar gestel sal word".[2]

In 2017 word die Universiteit een van vier Suid-Afrikaanse universiteite om Afrikaans as onderrigtaal af te skaf.

De Villiers is ten gunste daarvan om die gebruik van Engels by die US uit te brei tot meer as 50% om meer internasionale studente en lektore te lok.[1]

Op 6 Augustus 2017 berig Netwerk24 dat hofstukke by die hooggeregshof in Kaapstad ingedien is wat beweer dat De Villiers die raad van die Universiteit Stellenbosch met opset mislei het in sy stryd om Afrikaans as onderrigtaal aan die universiteit af te skaf.[3]

VerwysingsWysig

  1. 1,0 1,1 1,2 1,3 1,4 Wim de Villiers named new Stellenbosch University, Mail & Guardian, 01 Desember 2014
  2. Parker, M. 2016, 'Stellenbosch and the Afrikaans racial baggage', New African, 557, p. 38, MasterFILE Premier, EBSCOhost, geraadpleeg op 10 Mei 2017.
  3. Malan, Pieter (6 Augustus 2017). “De Villiers en kie ‘mislei Maties-raad’”. (html) Netwerk24. URL besoek op 7 Augustus 2017.

BronneWysig

Eksterne skakelsWysig