Wim de Villiers
Willem "Wim" Johan Simon de Villiers (gebore 1959) is 'n Suid-Afrikaanse akademikus en dokter. Hy is sedert 2015 die 12de rektor en visekanselier van die Universiteit Stellenbosch (US).[2][1] Hy het Russel Botman opgevolg nadat laasgenoemde in 2014 skielik aan 'n hartaanval oorlede is.[3]
| Wim de Villiers | |
Rektor en visekanselier van die Universiteit Stellenbosch
| |
| Ampsbekleër | |
| Termynaanvang 29 April 2015[1] | |
| Voorafgegaan deur | Russel Botman |
|---|---|
Dekaan van die Fakulteit Gesondheidswetenskappe aan die Universiteit van Kaapstad
| |
Persoonlike besonderhede
| |
| Gebore | 1959 |
| Alma mater | Universiteit Stellenbosch[1] Universiteit van Oxford Harvard-universiteit |
De Villiers was voorheen die Dekaan van die Fakulteit Gesondheidswetenskappe aan die Universiteit van Kaapstad.[3][1]
Hy is 'n raadslid van die Akademie vir Wetenskap van Suid-Afrika.[4]
Lewe
Nadat hy sy mediese graad verwerf het, het De Villiers na Engeland verhuis, waar hy in 1995 'n doktorsgraad in immunologie aan die Universiteit van Oxford verwerf het. Daarna verhuis hy na die Verenigde State waar hy as 'n gastro-enteroloog gewerk het. Hy het ook talle senior poste by die Universiteit van Kentucky beklee, waaronder die hoof van gastro-enterologie.[3]
Hy het ook 'n meestersgraad in gesondheidsorgbestuur aan Harvard-universiteit verwerf.[3]
Omstredenheid
Taalbeleid aan die Universiteit Stellenbosch
Wim de Villiers vorm in 2015 'n bestuurspan om namens die Universiteit die taalvraagstuk te besleg. Die bestuurspan beslis dat "alle onderrig aan die Universiteit Stellenbosch in Engels gefassiliteer sal word" en dat "aansienlike akademiese ondersteuning volgens studente se behoeftes in ander Suid-Afrikaanse tale beskikbaar gestel sal word".[5]
In 2017 word die Universiteit een van vier Suid-Afrikaanse universiteite om Afrikaans as onderrigtaal af te skaf.
De Villiers is ten gunste daarvan om die gebruik van Engels by die US uit te brei tot meer as 50% om meer internasionale studente en lektore te lok.[3]
Op 6 Augustus 2017 berig Netwerk24 dat hofstukke by die hooggeregshof in Kaapstad ingedien is wat beweer dat De Villiers die raad van die Universiteit Stellenbosch met opset mislei het in sy stryd om Afrikaans as onderrigtaal aan die universiteit af te skaf.[6]
In Oktober 2019 vra die Demokratiese Alliansie vir 'n onafhanklike ondersoek na De Villiers se beweerde pogings om regter Edwin Cameron om te koop deur Cameron die kanselierspos aan te bied in ruil vir 'n beslissing in die Konstitusionele Hof ten gunste van die Universiteit Stellenbosch se beleid om Afrikaans as onderrigtaal af te skaf.[7][8][9][10][11]
De Villiers ontken dat hy die verkiesing van Edwin Cameron tot kanselier kon beïnvloed.[12] 'n Ondersoek het De Villiers van enige blaam onthef.[13]
Verwysings
- ↑ 1,0 1,1 1,2 1,3 "Wim De Villiers". Daily Maverick (in Engels). Geargiveer vanaf die oorspronklike op 4 Desember 2019. Besoek op 4 Desember 2019.
- ↑ Lourens, Mariné (13 Augustus 2019). "Twee studente behandel ná brand by koshuis". Maroela Media. Geargiveer vanaf die oorspronklike op 1 Januarie 2020. Besoek op 13 Augustus 2019.
- ↑ 3,0 3,1 3,2 3,3 3,4 John, Victoria (1 Desember 2014). "Wim de Villiers named new Stellenbosch University VC". Mail & Guardian (in Engels). Geargiveer vanaf die oorspronklike op 28 Oktober 2019. Besoek op 28 Oktober 2019.
- ↑ "Council Members". ASSAf.org.za (in Engels). 1 Desember 2021. Besoek op 7 Desember 2021.
- ↑ (en) Parker, M. 2016, 'Stellenbosch and the Afrikaans racial baggage', New African, 557, p. 38, MasterFILE Premier, EBSCOhost, geraadpleeg op 10 Mei 2017.
- ↑ Malan, Pieter (6 Augustus 2017). "De Villiers en kie 'mislei Maties-raad'" (html). Netwerk24. Geargiveer vanaf die oorspronklike op 9 Oktober 2019. Besoek op 7 Augustus 2017.
- ↑ Strydom, Nico (28 Oktober 2019). "Ondersoek geëis na 'ernstige bewerings' teen Maties-rektor". Maroela Media. Geargiveer vanaf die oorspronklike op 1 Maart 2020. Besoek op 28 Oktober 2019.
- ↑ Arendse, Lynne (27 Oktober 2019). "DA calls for investigation into Stellenbosch University's Vice-Chancellor". SAUK (in Engels). Geargiveer vanaf die oorspronklike op 14 Desember 2019. Besoek op 28 Oktober 2019.
- ↑ Schreiber, Leon (27 Oktober 2019). "DA demands independent investigation into allegations against Stellenbosch University Rector". Demokratiese Alliansie (in Engels). Geargiveer vanaf die oorspronklike op 28 Oktober 2019. Besoek op 28 Oktober 2019.
- ↑ Cornelissen, Christel (10 November 2019). "Maties-ondersoek: verslag met bevindings dán verwag". Maroela Media. Geargiveer vanaf die oorspronklike op 10 November 2019. Besoek op 11 November 2019.
- ↑ Mlamla, Sisonke (4 November 2019). "Stellenbosch University rector probed for 'bid to influence ConCourt case'". IOL (in Engels). Geargiveer vanaf die oorspronklike op 5 November 2019. Besoek op 21 November 2019.
- ↑ Mlamla, Sisonke (29 Oktober 2019). "Stellenbosch University rector says claims of influencing judge are 'unrealistic'". IOL (in Engels). Geargiveer vanaf die oorspronklike op 5 November 2019. Besoek op 21 November 2019.
- ↑ Strydom, Nico (4 Desember 2019). "Drie van US bedank ná verslag oor rektor". Maroela Media. Geargiveer vanaf die oorspronklike op 4 Desember 2019. Besoek op 4 Desember 2019.
Bronne
- Hermann Giliomee (13 September 2018). "Die US draai sy rug op Afrikaans as doseertaal". LitNet. Besoek op 16 September 2018.
Eksterne skakels
- (af) Biografiese skets – Prof Wim de Villiers
- (en) Wim de Villiers op LinkedIn[dooie skakel]