Wolkwassie
plant spesie
Die wolkwassie (Sorocephalus capitatus) is 'n blomdraende struik wat tot die genus Sorocephalus behoort en deel van die fynbos vorm. Die spesie is endemies aan die Wes-Kaap waar dit voorkom op die Piketberg en Onderboskloof in die Koue Bokkeveld.
| Wolkwassie | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Sorocephalus |
| Spesie: | S. capitatus
|
| Binomiale naam | |
| Sorocephalus capitatus Rourke, (1969)
| |
Die struik word slegs 80 cm hoog, neig om uit te sprei en blom van September tot Februarie. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word, twee maande nadat die plant geblom het, ryp en die sade val na die grond waar dit deur miere versprei word. Die plant groei in sanderige kolle tussen sandsteen op hoogtes van 910 - 1200 m.
In Engels staan die struik as die Woolly clusterhead bekend.