Woudrichem

Woudrichem (Brabants: Woerkem of Woerkum) is 'n stad en voormalige munisipaliteit in die Nederlandse provinsie Noord-Brabant, wat aan die provinsies Gelderland en Zuid-Holland grens. Die voormalige munisipale gebied het sowat 14 000 inwoners (2012) en 'n oppervlakte van 52 km². Die stad Woudrichem (met die plek Oudendijk) het sowat 4 500 inwoners (2011).

Woudrichem
Voormalige munisipaliteit
Woudrichem
Vlag Wapen
Ligging van die voormalige Woudrichem-munisipaliteit in Noord-Brabant
Koördinate: 51°49′00″N 5°00′00″O
Land	Nederland
Provinsie	Noord-Brabant
Munisipaliteit	Altena
Oppervlak
• Totaal	51,65 km2 (19,94 vk. myl)
• Land	49,40 km2 (19,07 vk. myl)
• Water	2,25 km2 (0,87 vk. myl)
Bevolking
• Totaal	14 391
• Digtheid	291/km2 (750/vk. myl)
Poskode	4280-4288
Skakelkodes	0183
Webwerf	www.woudrichem.nl

Die voormalige munisipaliteit lê in die noordooste van die streek van die Land van Heusden en Altena. Verder lê die voormalige munisipaliteit suid van die Boven-Merwede-rivier (die stad Gorinchem lê aan die noordoewer) en wes van die Afgedamde Maas-rivier (die bekende Slot Loevestein lê aan die regteroewer).

Woudrichem het in 1356 stadsregte gekry.

Op 1 Januarie 2019 is Woudrichem opgegaan in die nuwe munisipaliteit Altena.

Plekke

Plekke in die voormalige munisipale gebied van Woudrichem:
Almkerk, Andel, Bronkhorst, Duizend Morgen, Eng, Giessen, Oudendijk, Rijswijk, Stenenheul, Uitwijk, Uppel, Waardhuizen, Woudrichem (stad) en Zandwijk.

Eksterne skakels

• (nl) Die amptelike webwerf van die voormalige munisipaliteit