Zimbabwean African People's Union
Zimbabwe African People's Union (ZAPU) is 'n politieke party in Zimbabwe. Aanvanklik was dit 'n militante organisasie en politieke party wat vanaf sy stigting in 1961 tot in 1980 vir die nasionale bevryding van Zimbabwe geveg het. Hulle het in 1987 met ZANU–PF saamgesmelt.[1] In 2008 is die party herstig.
| Zimbabwe African People's Union | |
| ZAPU | |
| |
ZAPU se vlag
| |
| Leier | Dumiso Dabengwa |
|---|---|
| Gestig | 8 November 2008 (huidige party) 17 Desember 1961 (historiese party) |
| Ideologie | Marxisme-Leninisme |
| Webblad | www |
Die party is op 17 Desember 1961 gevorm, 10 dae nadat die Rhodesiese regering die Nasionale Demokratiese Party (NDP) verban het. Die stigterslede was Joshua Nkomo as president, Parirenyatwa as onderpresident, Ndabaningi Sithole as voorsitter, Jason Moyo, Robert Mugabe as sekretaris van inligting en publisiteit en Leopold Takawira as eksterne sekretaris. ZAPU is in 1962 deur die wit Rhodesiese minderheidregering verban, en was later in 'n guerrilla-oorlog teen hulle gewikkel. Die gewapende vleuel van ZAPU, bekend as die Zimbabwe People's Revolutionary Army (ZIPRA), was onder bevel van generaal Lookout Masuku.
ZAPU het die Sowjetunie se ideologie om stedelike werkers te mobiliseer onderskryf, terwyl ZANU meer soos die Volksrepubliek China landelike kleinboere gemobiliseer het.
Verwysings
wysig- ↑ Sibanda, Eliakim M. The Zimbabwe African People's Union, 1961–1987: A Political History of Insurgency in Southern Rhodesia. Bladsy 1
