8 November

8 November is die 312de dag van die jaar in die Gregoriaanse kalender (313de in skrikkeljare). Daar volg nog 53 dae.

Gebeure

Hernán Cortés

• 1047 – Pous Benedictus IX volg Pous Clemens II op.
• 1519 – Hernán Cortés bereik Tenochtitlán waar die Asteekse heerser Moctezuma II hom met prag en praal ontvang, soos wat betaamlik sou wees vir 'n terugkerende god.
• 1793 – In Parys word die Louvre deur die Franse Rewolusionêre regering as 'n museum vir gebruik deur die publiek geopen.
• 1889 – Montana word die 41ste deelstaat van die Verenigde State.
• 1895 – Wilhelm Röntgen ontdek die x-strale.
• 1923 – Adolf Hitler, Erich Ludendorff en ander lede van die Kampfbund begin die Biersaalputsch in München, in 'n poging om beheer oor te neem in Duitsland.
• 1991 – Die Suid-Afrikaanse krieketspan kom die eerste keer in Kalkutta aan vir een van drie eendag-wedstryde in Indië en bring die stad tot stilstand.
• 2002 – Die VN se Veiligheidsraad neem Resolusie 1441 aan, wat Irak dwing om te ontwapen of ernstige gevolge in die gesig te staar.

X-straal van die hand van Röntgen se vrou

Geboortes

• 1656 – Edmond Halley, ’n Britse sterrekundige, direkteur van die Greenwich-sterrewag en ontdekker van Halley se Komeet († 1742).
• 1847 – Bram Stoker, Ierse skrywer († 1912).
• 1922 – Chris Barnard, Suid-Afrikaanse hartchirurg († 2001).
• 1974 – Penny Heyns, Suid-Afrikaanse swemmer.

Sterftes

• 618 – Pous Deusdedit, die 68ste pous van die Rooms-Katolieke Kerk (* onbekend).
• 955 – Pous Agapetus II, die 129ste pous van die Rooms-Katolieke Kerk (* onbekend).
• 1674 – John Milton, Engelse digter en skrywer (* 1608)
• 1953 – Johannes van Melle, Nederlandsgebore Afrikaanse skrywer van onder meer Bart Nel (* 1887).
• 1986 – Wjatsjeslaf Molotof, Sowjet-politikus en diplomaat (* 1890)
• 1990 – Wolfgang Schmieder, Duitse bibliotekaris en musiekkundige (* 1901).