2012 VP113
2012 VP113 is ’n sednoïde en die voorwerp in die Sonnestelsel met die grootste bekende perihelium (naaste afstand aan die Son), selfs groter as dié van Sedna.[7] Tog is 2012 VP113 se afelium (verste afstand) net omtrent die helfte van Sedna s’n. Die ontdekking van die kleinplaneet is op 26 Maart 2014 bekend gemaak.[4][8]
 Die wentelbaan van 2012 VP113 in die Sonnestelsel en sy posisie in 2017 (van bo en van die kant af gesien). | |
| Wentelbaaneienskappe[1] | |
|---|---|
| Afelium | 438,11 AE |
| Perihelium | 80,486 AE |
| Halwe lengteas | 265,8 AE[2] |
| Wentelperiode | 4 175,54 jaar |
| Gem. anomalie | 3,2115° |
| Baanhelling | 24,047° |
| Lengteligging van stygende nodus | 90,818° |
| Periheliumhoek | 293,72° |
Fisiese eienskappe |
|
| Afmetings | 300-1 000 km[3] 450 km (aangeneem)[3][4] 600 km[5] |
| Skynmagnitude | 23,4 |
| Absolute magnitude | 4[6][1] 4,3[5] |
Die liggaam het ’n absolute magnitude van 4,[6] wat beteken dit is moontlik ’n dwergplaneet.[5] Daar word verwag hy sal omtrent die helfte so groot soos Sedna wees en net so groot soos Huya.[3] Die ooreenstemming tussen 2012 VP113 se wentelbaan en dié van ander uiters ver voorwerpe in die Sonnestelsel laat die ontdekkers, Scott Sheppard en Chad Trujillo, vermoed die hipotetiese Planeet Nege is daarvoor verantwoordelik.[4]
Sy oppervlak het vermoedelik ’n pienk tint vanweë chemiese veranderings wat veroorsaak word deur bestraling op bevrore water, metaan en koolstofdioksied.[9] Hierdie kleur stem ooreen met dié van formasies in die gasreusstreek en nie die klassieke Kuipergordel, wat deur rooi voorwerpe oorheers word, nie.[4]
Verwysings
wysig- ↑ 1,0 1,1 "JPL Small-Body Database Browser: (2012 VP113)" (last observation: 2013-10-30 (arc=~2 year)) (in Engels). Jet Propulsion Laboratory. Geargiveer vanaf die oorspronklike op 20 April 2020. Besoek op 3 April 2016.
- ↑ Malhotra, Renu; Volk, Kathryn; Wang, Xianyu (2016). "Corralling a distant planet with extreme resonant Kuiper belt objects". The Astrophysical Journal Letters. 824 (2): L22. arXiv:1603.02196. Bibcode:2016ApJ...824L..22M. doi:10.3847/2041-8205/824/2/L22.
- ↑ 3,0 3,1 3,2 Lakdawalla, Emily (26 Maart 2014). "A second Sedna! What does it mean?". Planetary Society blogs (in Engels). The Planetary Society. Geargiveer vanaf die oorspronklike op 8 September 2019. Besoek op 27 Maart 2014.
- ↑ 4,0 4,1 4,2 4,3 Trujillo, C. A.; Sheppard, S. S. (2014). "A Sedna-like body with a perihelion of 80 astronomical units" (PDF). Nature. 507 (7493): 471–474. Bibcode:2014Natur.507..471T. doi:10.1038/nature13156. PMID 24670765. Geargiveer (PDF) vanaf die oorspronklike op 16 Desember 2014.
- ↑ 5,0 5,1 5,2 Brown, Michael E. (17 April 2014). "How many dwarf planets are there in the outer solar system? (updates daily)" (in Engels). California Institute of Technology. Geargiveer vanaf die oorspronklike op 6 Maart 2020. Besoek op 17 April 2014.
- ↑ 6,0 6,1 "2012 VP113 Orbit" (arc=739 days over 3 oppositions) (in Engels). IAU Minor Planet Center. Geargiveer vanaf die oorspronklike op 4 Maart 2016. Besoek op 26 Maart 2014.
- ↑ Chang, Kenneth (26 Maart 2014). "A New Planetoid Reported in Far Reaches of Solar System". New York Times (in Engels). Geargiveer vanaf die oorspronklike op 4 Februarie 2019. Besoek op 26 Maart 2014.
- ↑ Witze, Alexandra (26 Maart 2014). "Dwarf planet stretches Solar System's edge". Nature. doi:10.1038/nature.2014.14921.
- ↑ Sample, Ian (26 Maart 2014). "Dwarf planet discovery hints at a hidden Super Earth in solar system". The Guardian (in Engels). Geargiveer vanaf die oorspronklike op 3 November 2019. Besoek op 27 Maart 2014.
Eksterne skakels
wysig- Foto's Geargiveer 8 Augustus 2018 op Wayback Machine deur Scott S. Sheppard / Carnegie Institution for Science.
- 2012 VP113 by die JPL Small-Body Database
Wikimedia Commons het meer media in die kategorie 2012 VP113.
Hierdie artikel is vertaal uit die Engelse Wikipedia
