Aloe subspicata

Die Aloe subspicata is 'n aalwyn en ook een van die bolaalwyne wat voorkom in die grasvelde van Suid-Afrika in Noord-Kaap, Vrystaat, Gauteng, Mpumalanga, Limpopo en Noordwes. Dit is ook inheems aan Botswana, Eswatini, Lesotho en Namibië. Die plant was voorheen bekend as Haworthia subspicata en is in 2013 oorgeplaas na die genus Aloe.

Aloe subspicata
Bewaringstatus
Veilig (IUCN 3.1)
Wetenskaplike klassifikasie
Koninkryk:	Plantae
Subkoninkryk:	Tracheobionta
Divisie:	Magnoliophyta
Klas:	Liliopsida
Subklas:	Liliidae
Orde:	Asparagales
Familie:	Asphodelaceae
Subfamilie:	Asphodeloideae
Genus:	Aloe
Spesie:	A. subspicata
Binomiale naam
Aloe subspicata (Baker) Boatwr. & J.C.Manning, (2013)
Sinonieme
Haworthia subspicata Baker Chortolirion subspicatum (Baker) A.Berger

Die plant word ongeveer 15 tot 30 mm groot. Dit maak die plant onopvallend. Die plant blom van Augustus tot September voordat die blare gevorm is. Aloe jeppeae en Aloe bergeriana, ander bolaalwyne, blom beide in die herfs nadat die blare verskyn het. Die spesie is moeilik om te kweek.

Sien ook

• Lys van aalwynspesies

Bronne

• SANBI Redlist
• Gids tot die Aalwyne van Suid-Afrika, Ben-Erik van Wyk & Gideon F. Smith Briza Publikasies, ISBN:978-1-920217-39-6
• http://www.ville-ge.ch/musinfo/bd/cjb/africa/details.php?langue=an&id=228384
• Plants of the World Online