Bolaalwyne

Bolaalwyne is 'n nuwe en kunsmatige groep aalwyne wat klein en stamloos is wat deel vorm van die genus Aloe. Die plante word maklik uitgeken aan hulle ui-agtige bolle wat deur die blaarbasisse gevorm word. Die blare lyk feitlik almal soos dié van die grasaalwyne: slank en slegs effens vlesig en soms met witterige vlekke naby die basis. Die blomme is klein, amper sonder stele en dikwels opwaarts georiënteer. Dit word in verlengde of kopvormige enkelraseme gedra.

Daar is sewe spesies wat tot die informele groep hoort:

• Aloe bergeriana
• Aloe bowiea
• Aloe inconspicua
• Aloe jeppeae
• Aloe kniphofioides
• Aloe modesta
• Aloe subspicata

Sien ook

• Lys van aalwynspesies

Bron

• Gids tot die Aalwyne van Suid-Afrika, Ben-Erik van Wyk & Gideon F. Smith, Briza Publikasies, 2014, ISBN 978-1-920217-39-6