Ammoniumsulfied

Ammoniumsulfied (NH₄)₂S is 'n sout van ammoniak en waterstofsulfied.

Eienskappe

Algemeen
Naam	Ammoniumsulfied
Ander name	Stinkbom
Struktuurformule van
Chemiese formule	(NH4)2S
Molêre massa	68,14 [g/mol]
CAS-nommer	12135-76-1
Voorkoms	Kleurlose (geel) vastestof
Reuk	Stink soos ammoniak en vrot eiers
Fasegedrag
Ruimtegroep	Fm3m
Strukturbericht	C1
Smeltpunt	ontbind
Kookpunt	ontbind
Digtheid
Oplosbaarheid
Suur-basis eienskappe
pKa
Veiligheid
Flitspunt	22 °C
Tensy anders vermeld is alle data vir standaardtemperatuur en -druk toestande.
Portaal Chemie

Die verbinding kan as kleurlose kristalle verkry word deur by lae temperature (-18°C) droë ammoniakgas en droë waterstofsulfiedgas te meng. Hierdie kristalle en hulle oplossings in water word vinnig geel deur oksidasie van die sulfiedioon tot die disulfiedioon:

$O_{2}(g)+4(NH_{4})_{2}S\to 2H_{2}O+2(NH_{4})_{2}S_{2}+4NH_{3}$

Hoër sulfiede soos (NH₄)S₃ kan by verdere oksidasie of toevoeging van swawel ook gevorm word. 'n Ammoniumsulfiedoplossing kan swawel in oplossing doen gaan maar ook sulfiede soos tin(IV)sulfied:

${SnS_{2}(s)+(NH_{4})_{2}S(aq)}\to {(NH_{4})_{2}SnS_{3}(aq)}$

By kamertemperatuur is die vastestof in ewewig met die gasvormige suur en basis waarvan dit 'n sout is:

$(NH_{4})_{2}S(s)\rightleftarrows 2NH_{3}(g)+H_{2}S(g)$

Die vastestof ontbind reeds by kamertemperatuur. Sy dampdruk by 20°C is reeds 600hPa (~0,6 Atm)

Die stof is goed oplosbaar in water, maar die ioon S²⁻ is 'n baie sterkbasis en ondergaan hidrolise:

${S^{2-}+H_{2}O}\to {HS^{-}+OH^{-}}$

Die oplossing bevat dus die ione 2NH+4, OH⁻ en HS⁻.

Die suiwere vastestof is baie brandbaar en onstabiel en die stof word gewoonlik as oplossing in water verkoop. Die oplossing is sterk basies (pH=9,5 in 45% oplossing). Die verbinding kan met 'n ontploffing reageer met oksiderende stowwe soos perchloraat, peroksied, permanganaat, chloraat, nitraat, chloor, broom en fluoor. Dit reageer met sterk sure en stel daarby toksiese waterstofsulfiedgas vry. Dit reageer met sterk basisse en stel ammoniak vry. Dit korrodeer koper, sink en hulle legerings.

Struktuur

Op planete soos Uranus en Neptunus kom dit saam met ammoniumwaterstofsulfied NH₄HS in wolke in die laer dampkring voor. Berekenings voorspel dat (NH₄)₂S 'n anti-fluorietstruktuur sal hê met ruimtegroep Fm3m met ammoniumione op die fluoorione se plek, en sulfiedione op kalsiumione s'n.