André Truter
André Brahm Truter[1] (gebore 23 April 1969) is 'n Suid-Afrikaanse politikus wat sedert November 2021 as die uitvoerende burgemeester van die Saldanhabaai Plaaslike Munisipaliteit dien. Hy is 'n lid van die Demokratiese Alliansie.
| André Truter | |
| Ampsbekleër | |
| Termynaanvang 17 November 2021 | |
| Voorafgegaan deur | Marius Koen |
|---|---|
Persoonlike besonderhede
| |
| Gebore | André Brahm Truter 23 April 1969 Stellenbosch, Kaapprovinsie |
| Nasionaliteit |  Suid-Afrika
|
| Politieke party | Demokratiese Alliansie |
| Eggenoot/-note | Sheena |
| Kind(ers) | 3 |
Agtergrond
wysigTruter is op 23 April 1969 in Stellenbosch gebore. Hy het in die Paarl-Vallei grootgeword. Truter het aan die Hoër Tegniese Skool in Oudtshoorn gematrikuleer. Daarna het hy by die Suid-Afrikaanse Polisiediens in Malmesbury aangesluit waarna hy in Pretoria sy opleiding voltooi het. Nadat hy sy opleiding voltooi het, is Truter na die Boesmansnek-grenspos op die Lesotho-KwaZulu-Natal grens gestuur waar hy in die veediefstaleenheid diens gedoen het.[2]
In 1994 het Truter uit die polisiediens getree en 'n besigheid kort daarna gestig. Hy het suksesvolle maatskappye in die bosbou-, landbou-, private sekuriteits- en vervoerbedrywe bestuur en ook sy eie boerdery bedryf terwyl hy op die familieplaas gewoon het.[2]
Politieke loopbaan
wysigTruter het as die DA-kandidaat in 'n tussenverkiesing in wyk 5 van die Saldanhabaai Plaaslike Munisipaliteit op 12 Desember 2018 gestaan wat hy met 89% van die stemme gewen het.[3]
Op 1 September 2021 is Truter as die DA se burgemeesterskandidaat vir die Saldanhabaai Plaaslike Munisipaliteit vir die opkomende munisipale verkiesing op 1 November 2021 aangekondig.[4] Die DA het hul meerderheid op die raad in die verkiesing verloor. Truter is op 17 November 2021 as burgemeester verkies danksy die enkel Cape Coloured Congress-raadslid wat met die DA-koukus gestem het.[5]
Familielewe
wysigTruter is al meer as dertig jaar met Sheena getroud. Die egpaar het drie kinders.[2]
Verwysings
wysig- ↑ Final Councillor List (Engels). Electoral Commission of South Africa (9 November 2021). URL besoek op 21 November 2023.
- ↑ 2,0 2,1 2,2 André Truter (Engels). Demokratiese Alliansie. URL besoek op 21 November 2023.
- ↑ Results of the Municipal By-Elections held on 12 December 2018 (Engels). Electoral Commission of South Africa (13 Desember 2018). URL besoek op 21 November 2023.
- ↑ DA announces Mayoral candidates for the Cape Winelands and West Coast districts (Engels). Polity (1 September 2021). URL besoek op 21 November 2023.
- ↑ Saldanha Bay without deputy mayor as squabbles continue apace (Engels). Cape Times (29 November 2021). URL besoek op 21 November 2023.