Astarimus

	Astarimus
	Koning van Tirus
Bewind	888-880 v.C.
Voorganger	Deleastartus, 900-889 v.C.
Opvolger	Phelles, 879 v.C.
Gebore	934 v.C.
Gesterf	880 of 879 v.C.
Vader	Onbekend
Moeder	Verpleegster van Abdastartus

Astarimus was die derde van vier broers wat agtereenvolgens koning van Tirus geword het ná die moord op koning Abdastartus. Inligting oor hom is verkry uit F.M. Cross se rekonstruksie van Josephus se aanhalings van die Fenisiese historikus Menander van Efese in Teen Apion i.18.^[1]

Vier broers se name

Soos dit nou in Josephus/Menander se teks staan, is Astartus die naam en Deleastartus die patroniem van die tweede broer wat koning was, terwyl die eerste een, wat Abdastartus vermoor en die dinastie begin het, naamloos gebly het. In sy rekonstruksie herstel Cross Astartus as die naam van die eerste broer en sê hy die veronderstelde patroniem van die tweede broer, Deleastartus, is eintlik sy voornaam. Cross se rekonstruksie vir dié vier konings word deur William Barnes^[2] gevolg en in dié artikel gebruik.

'n Verdere oorsig oor die chronologie van die Tiriese konings van Hiram I tot Pigmalion, asook 'n bespreking van die belangrikheid van Dido se vlug van Tirus af en die eindelike stigting van Kartago vir die datums van dié konings, is te kry in die artikel oor Pigmalion.

Cross en ander se rekonstruksie van die vier seuns van Abdastartus se verpleegster lyk dus so:

Astartus, 920-901 v.C.
Deleastartus, 900-889 v.C.
Astarimus, 888-880 v.C.
Phelles, 879 v.C.

Die vier seuns van Abdastartus se verpleegster het teen hom saamgesweer en hom vermoor. Die oudste van die broers, Astartus, het 20 jaar lank regeer. Ná hom kom Deleastartus, wat 54 jaar oud geword en 12 jaar regeer het. Ná hom kom Aserimus; hy het 54 jaar oud geword en nege jaar regeer. Hy is deur sy broer Pheles vermoor, wat net agt maande regeer het, hoewel hy 50 jaar oud geword het. Hy is vermoor deur Etbaäl, die priester van Astarte.

Sien ook

Pigmalion

Verwysings

↑ F.M. Cross, “An Interpretation of the Nora Stone,” Bulletin of the American Schools of Oriental Research 208 (Desember 1972) 17, n. 11.
↑ William H. Barnes, Studies in the Chronology of the Divided Monarchy of Israel (Atlanta: Scholars Press, 1991) 29-55.

Skakels

Hierdie artikel is in sy geheel of gedeeltelik uit die Engelse Wikipedia vertaal.

[1] F.M. Cross, “An Interpretation of the Nora Stone,” Bulletin of the American Schools of Oriental Research 208 (Desember 1972) 17, n. 11.

[2] William H. Barnes, Studies in the Chronology of the Divided Monarchy of Israel (Atlanta: Scholars Press, 1991) 29-55.

[1]

[2]

Astarimus
Koning van Tirus
Bewind	888-880 v.C.
Voorganger	Deleastartus, 900-889 v.C.
Opvolger	Phelles, 879 v.C.
Gebore	934 v.C.
Gesterf	880 of 879 v.C.
Vader	Onbekend
Moeder	Verpleegster van Abdastartus