August Heinrich Hoffmann von Fallersleben

August Heinrich Hoffmann (Hy het homself as 'von Fallersleben' gestileer, ná sy tuisdorp; 2 April 179819 Januarie 1874) was 'n Duitse digter. Hy is veral bekend vir die skryf van "Das Lied der Deutschen", waarvan die derde strofe die volkslied van Duitsland is, en 'n aantal gewilde kinderliedjies wat as deel van die Jong Duitsland-beweging beskou word.

August Heinrich Hoffmann von Fallersleben
Hoffmann von Fallersleben.jpg
Portret met 'n handtekening
Gebore
August Heinrich Hoffmann

(1798-04-02)2 April 1798
Fallersleben, Heilige Romeinse Ryk
Sterf19 Januarie 1874 (op 75)
Höxter, Duitse Ryk
NasionaliteitDuits
BeroepDigter, bibliotekaris en professor
Noemenswaardige werke

BiografieWysig

 
Carte de visite van Hoffmann, kaartnr. "1324", deur 'n onbekende fotograaf met 'n kroon oor die letter "P", ongeveer 1860
 
August Henrich Hoffmann deur Carl Georg Christian Schumacher (1819)

Hoffmann is gebore in Fallersleben in Nedersakse, wat destyds geleë was in die hertogdom Brunswick-Lüneburg.

Hy was die seun van 'n handelaar en burgemeester van sy geboortestad. Hy ontvang sy opleiding aan skole in Helmstedt en Braunschweig en studeer daarna aan die universiteite van Göttingen en Bonn. Sy oorspronklike bedoeling was om teologie te studeer, maar hy wy homself egter gou geheel en al aan literatuur. In 1823 is hy aangestel as bewaarder van die universiteitsbiblioteek in Breslau, welke pos hy tot 1838 beklee. Hy is ook in 1830 as buitengewone professor in die Duitse taal en letterkunde aan daardie universiteit aangestel, en in 1835 as gewone professor. Hoffmann is in 1842 van die leerstoel ontneem as gevolg van sy Unpolitische Lieder (1840–1841), waarmee die owerhede in Pruise aanstoot geneem het.

Gedurende sy ballingskap het hy in Duitsland, Switserland en Italië gereis en twee of drie jaar in Mecklenburg gewoon, waarvan hy 'n genaturaliseerde burger geword het. Na die rewolusie van 1848 kon hy na Pruise terugkeer waar sy regte herstel is. Hy het in 1849 in die huwelik getree en die volgende tien jaar agtereenvolgens in Bingerbrück, Neuwied en Weimar gewoon, waar hy saam met Oskar Schade (1826–1906) die Weimarische Jahrbuch (1854–1857) geredigeer het.

In 1860 is hy aangestel as bibliotekaris van Victor I, hertog van Ratibor, in die kloosterkasteel Corvey naby Höxter aan die Weser, waar hy in 1874 oorlede is. [1]

Keur uit sy werkeWysig

  • Poësie
    • Lieder und Romanzen (1821)
    • Gedichte (1827)
    • Buch der Liebe (1836)
    • Gemischte Gedichte (1841)
    • Schlesische Volkslieder mit Melodien (1842) (met E. Richter)
    • Fünfzig Kinderlieder (1848)
  • Studies
    • Fundgruben für die Geschichte deutscher Sprache und Literatur (1830–1837)
    • Geschichte des deutschen Kirchenliedes bis auf Luthers Zeit (1832, 2de druk 1861)
    • Die deutsche Philologie im Grundriss (1836)
    • Niederländische Volkslieder (1856) http://www.gutenberg.org/files/35806/35806-h/35806-h.htm
    • De Vlaamsche Beweging (1856)
  • Outobiografie: Mein Leben und Erinnerungen (1868–1870).

Sien ookWysig

VerwysingsWysig

  1. "Hoffmann von Fallersleben". Gym Muenchenstein. Geargiveer vanaf die oorspronklike op 2011-10-03.

Eksterne skakelsWysig