Bannie Britz (1935–2013) was ’n Suid-Afrikaanse argitek en professor in argitektuur aan die Universiteit van die Vrystaat. Hy het saam met sy vennoot Michael Scholes (1944-) in hulle ateljee, ’n omskepte kerk in Melville, Johannesburg, gewerk. Sy ontwerpe sluit in: openbare geboue, soos die parlement van die eertydse Bophuthatswana (vandag die Noordwes-wetgewer), die Apartheidsmuseum, kampusgeboue in Potchefstroom en Bloemfontein, asook verskeie woonhuise en kerke.[2]

Bannie Britz
Gebore
Barend Johannes Britz

30 Junie 1935[1]
Sterf27 Maart 2013
NasionaliteitSuid-Afrika
BeroepArgitek
Bekend virArgitektoniese ontwerpe
TitelProfessor

Lewensloop wysig

Barend Johannes Britz is op 30 Junie 1935 in Stellenbosch gebore. Hy het aan die Universiteit van Pretoria (Baccalaureus Argitektuur), die Universiteit van die Witwatersrand (Meesters in Stadsontwerp) en die Universiteit van die Vrystaat (Doktoraal in Argitektuur) studeer.[1]

Sy veelbekroonde loopbaan het oor vyf dekades gestrek. Hy het 17 toekennings vir geboue wat hy ontwerp het van die Instituut van SA Argitekte ontvang. Hy is ook deur die S.A. Akademie vir Wetenskap en Kuns met 'n erepenning vir argitektuur bekroon (1992).

Professor Britz was 'n aktiewe akademikus en het talle referate oor argitektuur gepubliseer. Hy was vir baie jare 'n dosent aan die Wits-argitektuurskool. Hy was ook 'n gereelde eksterne eksaminator aan die meeste van Suid-Afrika se argitektuurskole.

Britz is op 27 Maart 2013 oorlede.

Verwysings wysig

  1. 1,0 1,1 Who's Who SA Geargiveer 28 November 2017 op Wayback Machine, besoek op 23 April 2017
  2. HAT Taal-en-feitegids, Pearson, Desember 2013, ISBN 978-1-77578-243-8