Bernie Fanaroff
Bernard Lewis Fanaroff FRS (gebore 1947) is 'n Suid-Afrikaanse sterrekundige en vakbondleier.[2][3] Hy het van 1994 tot 2015 in poste in die Suid-Afrikaanse regering met betrekking tot vakbondwese gedien.[3][4] Hy is die mede-ontwikkelaar van die Fanaroff-Riley-klassifikasie, 'n metode om radiosterrestelsel te klassifiseer. Hy was die projekdirekteur van die Square Kilometre Array in Suid-Afrika.[3]
| Bernard Lewis Fanaroff | |
|---|---|
| Gebore | 1947 (76–77 jaar oud) |
| Alma mater | |
| Vakgebied | Radiosterrekunde |
| Instellings | Square Kilometer Array |
| Bekend vir | Fanaroff–Riley-klassifikasie[1] |
| Thesis | Cosmological Information from Radio Source Spectra (1974) |
| Eggenote | Wendy Vogel |
Opvoeding en vroeë lewe
wysigFanaroff is in Johannesburg gebore, sy ouers was van Letse en Litause Joodse afkoms,[5] en was op skool in die Northview High School. Hy het 'n BScHons (Fisika) aan die Universiteit van die Witwatersrand (WITS) in 1970 behaal en 'n PhD in radiosterrekunde aan die Universiteit van Cambridge in 1974.[3][6][7] Terwyl hy aan sy PhD gewerk het, het hy in samewerking met die Britse sterrekundige Julia Riley 'n deurbraak gemaak in die klassifikasie van radiosterrestelsels bekend as die Fanaroff-Riley-klassifikasie, wat gebruik word om radiosterrestelsels te klassifiseer op grond van die helderheid van hul radio-emissies.[2][7]
Loopbaan en navorsing
wysigNa sy doktorale studies in Engeland het Fanaroff na Suid-Afrika teruggekeer en twee jaar lank lesings in sterrekunde aan die Universiteit van die Witwatersrand aangebied.[8] Hy het aan die einde van 1976 van die universiteit bedank om as organiseerder van die Metaalwerkersvakbond te werk. Hy het betrokke geraak by vakbondwese, 'n vakbondgenoot geword en as nasionale sekretaris van die Nasionale vakbond van metaalwerkers van Suid-Afrika gedien.[9] Hy het van 1994–1999 as adjunk-direkteurgeneraal in die kantoor van president Nelson Mandela gewerk.[3][4] Hy was die hoof van die kantoor vir die heropbou- en ontwikkelingsprogram; Adjunk-direkteurgeneraal van die Departement van Veiligheid en Sekuriteit (1997-2000); en voorsitter van die geïntegreerde justisiestelselraad en stuurkomitee vir grensbeheer.[2][3][4] In Mei 2010 is hy as 'n nie-uitvoerende direkteur van Eskom aangestel.[3][10]
In 2003 is Fanaroff as projekdirekteur van die Square Kilometer Array (SKA) aangestel,[2][3] 'n pos wat hy beklee het tot met sy aftrede in 2015, hoewel hy nog steeds in 'n adviserende hoedanigheid gedien het.[4] Fanaroff het vroeg besef dat die Karoostreek waarin die SKA geleë is, 'n tekort aan gekwalifiseerde wiskunde- en wetenskaponderwysers het. Om hierdie probleem te oorkom en toekomstige bekwame Suid-Afrikaanse wetenskaplikes, ingenieurs en ambagsmanne aan die projek te voorsien, het Fanaroff en sy kollegas 'n vakmanopleidingsentrum opgerig as deel van 'n menslike kapitaalontwikkelingsprogram en 'n program ingestel om gekwalifiseerde onderwysers na die plaaslike skole te bring.[11]
Erkenning en toekennings
wysig- 2012 Ambassadeur van die Jaar deur die Kaapse sakekamer en Die Burger[4]
- 2013 Die Orde van Mapungubwe: Silwer
- 2017 Karl G. Jansky-dosentskap vir "uitsonderlike bydraes tot radioastronomie en sy ongeëwenaarde leierskap deur openbare diens..."[7] en veral vir sy werk met die SKA.
- 2017 Goue medalje van Wetenskap vir die samelewing van die Akademie vir Wetenskap van Suid-Afrika[4]
- 2018 Toekenning vir lewenslange prestasie deur die Nasionale Navorsingstigting[12]
- 2019 verkies tot 'n genoot van die Royal Society (FRS)[13]
- Besoekende professor in fisika aan die Universiteit van Oxford[4]
- Genoot van die Royal Astronomical Society[3][4]
- Lid van die Internasionale Sterrekundige Vereniging[3]
- Stigterslid van die Akademie vir Wetenskap en Kuns van Suid-Afrika[3][4]
- Raadslid van die Suid-Afrikaanse Nasionale Biodiversiteitsinstituut[3]
- Eredoktorsgrade aan ses Suid-Afrikaanse universiteite, waaronder die Rhodes-universiteit, die Universiteit van Kaapstad en die Universiteit van KwaZulu-Natal[4]
Verwysings
wysig- ↑ Fanaroff, Bernard L.; Riley Julia M. (1974). "The morphology of extragalactic radio sources of high and low luminosity". Monthly Notices of the Royal Astronomical Society (in Engels). 167: 31P–36P. Bibcode:1974MNRAS.167P..31F. doi:10.1093/mnras/167.1.31p.
- ↑ 2,0 2,1 2,2 2,3 "Dr Bernie Fanaroff" (in Engels). South African Presidency. Geargiveer vanaf die oorspronklike op 7 Oktober 2021. Besoek op 6 Oktober 2021.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 "Media release: Dr Bernie Fanaroff receives South Africa's highest honour". ska.ac.za (in Engels). 6 Oktober 2014. Geargiveer vanaf die oorspronklike op 6 Oktober 2014. Besoek op 6 Oktober 2021.
- ↑ 4,00 4,01 4,02 4,03 4,04 4,05 4,06 4,07 4,08 4,09 "Dr Bernard Fanaroff". National Research Foundation (in Engels). Geargiveer vanaf die oorspronklike op 8 Julie 2021. Besoek op 6 Oktober 2021.
- ↑ "Fanaroff ideal head for complex SKA Project". South African Jewish Report (in Engels). 13 Oktober 2013. Geargiveer vanaf die oorspronklike op 30 Augustus 2019. Besoek op 6 Oktober 2021.
- ↑ Fanaroff, Bernard Lewis (1974). "Cosmological Information from Radio Source Spectra" (in Engels). University of Cambridge. OCLC 500437977. Geargiveer vanaf die oorspronklike op 6 Oktober 2021. Besoek op 6 Oktober 2021.
- ↑ 7,0 7,1 7,2 "2017 Jansky Lectureship Awarded to South African Astronomer Bernie Fanaroff - National Radio Astronomy Observatory" (in Engels). Besoek op 6 Oktober 2021.
- ↑ "HONORARY DEGREE RECIPIENT" (PDF) (in Engels). University of Cape Town. Junie 2014. p. 25. Besoek op 6 Oktober 2021.
- ↑ Davis, Rebecca (16 Oktober 2018). "Daily Maverick Interview: Bernie Fanaroff, South Africa's modest national treasure". Daily Maverick (in Engels). Besoek op 6 Oktober 2021.
- ↑ "Supplementary > Membership of the board". Eskom Holdings SOC Limited (in Engels). Geargiveer vanaf die oorspronklike op 30 Augustus 2019. Besoek op 6 Oktober 2021.
- ↑ "Policy Makers - Programmes". Academy of Science of South Africa (in Engels). Geargiveer vanaf die oorspronklike op 6 Oktober 2021. Besoek op 6 Oktober 2021.
- ↑ Africa News Agency (1 Oktober 2018). "Kudos to Dr Bernie Fanaroff" (in Engels). IOL. Besoek op 6 Oktober 2021.
- ↑ Anon (2019). "Dr Bernard Fanaroff FRS". royalsociety.org (in Engels). Royal Society. Geargiveer vanaf die oorspronklike op 11 November 2016. Besoek op 6 Oktober 2021.