Bespreking:Anne Mountbatten-Windsor

Jongste opmerking: 8 jaar gelede deur Voyageur in onderwerp Kroonprinses

Kroonprinses wysig

Daar kan nie van Anne as 'n kroonprinses gepraat word nie. 'n Kroonprinses is die opvolgster van die regerende vors of vorstin, maar Anne is op die oomblik nie meer naastenby voor in die ry om eendag die Britse regeerder te kan word nie. Charles is die kroonprins, die opvolger wat die kroon sal dra wanneer sy ma Elizabeth die dag finaal haar kop neerlê. (Lyk nie of hierdie tydelose vrou ooit van plan is om dit te doen nie, maar nietemin ...) Anne dra die titel Princess Royal. Dit kan nie met kroonprinses vertaal word nie. Trouens, Princess Royal is so eg Brits dat ook die Nederlanders en Duitsers en wie ook al dit nie vertaal op hul Wikipedia-werwe nie. Sy moet dus ook in Afrikaans Anne, Princess Royal wees. Mieliestronk (kontak) 13:46, 20 Oktober 2015 (UTC)Beantwoord

Mmm, dit maak sin, maar Pharos gee dit so aan. Die Groot Woordeboek gee wel "koninklike prinses". Winston (kontak) 15:32, 20 Oktober 2015 (UTC)Beantwoord
Ek sien jy of iemand het toe wel verander, Winston. Knap gedaan, reken ek. Ja-nee, woordeboeke vang koddige goed aan (my woordeboeke, veral HAT, is vol krapmerke waar ek die eienaardighede probeer uitwys). Waaroor ek nou wonder, is of daar dan wel sulke goedjies soos onkoninklike prinsesse is. Dié spulletjie van Monaco toe hulle as jong meisies so uitgerafel het, dalk? Mieliestronk 21:14, 21 Oktober 2015‎ (UTC)Beantwoord
Blykbaar gee Wikipedia self die antwoord hierop: https://en.wikipedia.org/wiki/Princess_Royal. --Voyageur (kontak) 21:33, 21 Oktober 2015 (UTC)Beantwoord
Terug na "Anne Mountbatten-Windsor"-bladsy.