Bespreking:Meeteren

Notas

• "des anderendaags" beteken 'op die volgende dag'; "anderdaags" of "al om die ander dag" beteken elke tweede dag. 'Ander' beteken "tweede".

• Ek het aanvanklik gesukkel om aen geenerzyde te verstaan. Toe tref die Duits my: jenseits, anderkant/oorkant! Inderdaad, dit word in die Van Dale aangegee: "in gene zijde".

• Daar kan verskeie redes wees waarom die lyk saam met die duie en bodem van 'n vaat begrawe is. Dit kan as merker dien, probeer keer dat die lyk uit die sand uitgekalwe word deur springgety en sterk winde, maar ek reken, gegewe iets soos die strandjutwolf/bruinhiëna, maanhaarjakkals/gheip(jakkals)/erdwolf/nadroejakkals/weerwolf (al is die dier ook 'n insektevreter, die mens weet nie van beter nie), jakkalse en ander aasdiere, dat die liggaam met hierdie houtplanke bedek is om te keer dat die liggaam nie uitgegrawe word nie. Ek vra my wel af waarom daar nêrens kole of uitgedoofde vure gesien is nie, te oordeel aan die wrakstukke wat mildelik rondgestrooi gelê het. Want die roet en astukkies kon jy gebruik het om boodskappe te los, soos op die dui. Of, iets soos bottelbrief. Ek vra my af waarom hierdie begrawene ongeïdentifiseerd gelaat is. Of kon donderweer die as moontlik afgewas het? [En tog, in Pompeii is 'n datum vir millennia ongeskonde gelaat!] Meer nog wonder ek waarom lede van die bemanning nie saamgestuur is om die lyk uit te ken nie. Om trauma te verhoed? Om te keer dat daar met die wrak gepeuter word? Om 'n nugtere en objektiewe verslag te kry van die gebeure deur 'n buitestaander soos Moel? Om te kyk of die bemanning lieg?

• Byna twee maande het verloop, dit is in die hartjie van die somer in Suid-Afrika, en daar word 'n lyk op die strand aangetref. In watter toestand? En hoekom nou eers? Het die Koue Benguelaseestroom die lyk van 'n drenkeling die heeltyd goed bewaar en toe uitgespoel? Of het die oorledene heeltyd daar gebly en waghou by die wrak en tog maar, oorgelewer aan die elemente, beswyk? Of is hy deur verbygaande stamme vermoor? Sou die persoon kon skryf en 'n boodskap agtergelaat het? Aai, ek mis die nadoodse ondersoeke.

• Oor die voetspore op die strand en naby die Olifantsrivier. Let wel: sover ek weet mag slegs burgers en amptenare skoene gedra het, die res moes kaalvoet loop. Dit maak skoenspore net makliker herkenbaar.

• Oor Moel se testament. Claas Meyboom of Maijboom is in 1721 oorlede, en Moel is in 1724 oorlede. Die teks is ook onduidelik, maar dit wil lyk of Moel sy testament aan Maijboom se weduwee bemaak het.

Suidpunt (kontak) 13:46, 12 Maart 2023 (UTC)