Bespreking:Rugbywêreldbeker 1995
| Hierdie bladsy is 'n besprekingsbladsy waar verbeteringe tot die Rugbywêreldbeker 1995-artikel bespreek word. Hierdie bladsy is nie 'n forum vir 'n algemene bespreking van die artikel se onderwerp nie. |
|||
|
| Artikelriglyne
|
|
.svg){kind=small} | Daaglikse bladtrekke van Rugbywêreldbeker 1995
'n Grafiek sou hier vertoon word, maar grafieke is tydelik afgeskakel. Besoek intussen gerus die interaktiewe grafiek by pageviews.wmcloud.org. |
Rugbyspanne van 95 wysig
SpesBona, ek sien dat jy die Suid-Afrikaanse span verwyder het terwyl dit wel in die Engelse Wikipedia vermeld word. Ek het gedink om ten minste die Suid-Afrikaanse span te vermeld aangesien ons Wikipedia Afrikaans is en hulle ook die wenspan was. Dat elke speler in die span ook 'n Wikipediabladsy waardig is. So bietjie kreatiwiteit word dalk nou hier vereis. Die Engelse Wikipedia het 'n volledige afdeling onder die Wêreldbeker 1995 met die titel "squads". Met die uitvee van inligting kan jy nou soos die Engelse Wikipedia maak en 'n nuwe onderwerp onder Wêreldbeker 1995 begin met die titel "squads" of "spanne" met al die spanne se name daarin, of hoe ou maat? Odriskelmac11 (kontak) 04:33, 10 April 2021 (UTC)
- Jammer, maar en:1995 Rugby World Cup vermeld nie die hele Springbokspan nie, soek maar "Marius Hurter", jy sal hom nie daar kry nie. Ons kort eerder 'n artikel soos en:1995 Rugby World Cup squads, maar dit geld vir al die tien toernooie sedert 1987. Ek het vir al die toernooie, waaraan die Springbokke (en Proteas) deelgeneem het, 'n navigasie geskep, bv. {{Springbokke (1995 Rugbywêreldbeker)}}. Hierdie artikel bevat reeds baie inhoud, wat die Engelse nie het nie, maar om net een span te noem is ook 'n saak van neutraliteit, waar is dan die 15 ander spanne, bv. die naaswenner All Blacks? Waar is die 1987-All Blacks, 1991-Wallabies, 2007-Springbokke, 2019-Springbokke, ens.? Vanaf 1999 het Namibië deelgeneem, hulle praat mos ook Afrikaans, maar waar is hulle? Intussen is daar ook baie Afrikaanssprekendes in ander nasionale rugbyspanne soos CJ Stander (Ierland), DTH Van der Merwe (Kanada), Paul Willemse (Frankryk), Duhan van der Merwe (Skotland), ens. Ek is die laaste persoon op aarde wat die noemenswaardigheid van enige Springbok in twyfel trek, kyk maar net op my gebruikersbladsy. Ek weet wat dit sedert 1995 vir Suid-Afrika beteken en ek het lekker gehuil toe Siya Kolisi die Webb Ellis-beker in 2019 omhoog gehou het. Ek verwys net na die dubbele inhoud in verband met die navigasie heelonder. Groete. --
SpesBona 21:00, 10 April 2021 (UTC)
