Bislama

Bislama ([bislaˈma]), ook Bichelamar, Bêche-de-mer of Beach-la-Mar genoem, is 'n Kreooltaal wat saam met Engels en Frans die amptelike tale van die eilandstaat Vanuatu vorm. Dit is 'n vereenvoudigde weergawe van die Indo-Europese taal Engels, maar het ook baie leenwoorde van Frans en Melanesiese tale oorgeneem. Die teks van Vanuatu se volkslied, Yumi, Yumi, Yumi, is in Bislama.

Bislama
Uitspraak:	[bislaˈma]
Gepraat in:	Vanuatu  Nieu-Kaledonië
Gebied:	Melanesië
Totale sprekers:	10 000 (moedertaal) 200 000 (tweede taal)
Taalfamilie:	Kreools  Bislama
Skrifstelsel:	Latynse alfabet
Amptelike status
Amptelike taal in:	Vanuatu
Gereguleer deur:	geen
Taalkodes
ISO 639-1:	bi
ISO 639-2:	bis
ISO 639-3:	bis

Bislama het sowat 10 000 moedertaalsprekers, terwyl 200 000 mense dit as 'n tweede taal praat. Bislama is die mees verspreide taal van Vanuatu en dien as 'n lingua franca. Dit is verwant aan Pijin, een van die twee amptelike tale van die Salomonseilande, en Tok Pisin, een van die drie amptelike tale van Papoea-Nieu-Guinee. Daarbenewens word Bislama in die aangrensende Franse oorsese gebied Nieu-Kaledonië gepraat.

Eksterne skakels

• Wikimedia Commons het meer media in die kategorie Bislama.

• Wikiwoordeboek het 'n inskrywing vir bislama.