Boeremeisies is ‘n ouderwetse alkoholiese drank.

Gedroogde of ryp appelkose word ingelê in brandewyn (in uitsonderlike gevalle sjerrie of wit wyn). Daarby word ‘n paar skeppies suiker gevoeg en soms kaneel, vanielje, karamel en gerasperde skil van ‘n lemoen of suurlemoen. Dit is gewoonlik in bottels laat staan vir ‘n maand of drie. Daarna is dit gebruik as likeur of as nagereg saam met room, wafels, pannekoek, roomys of vrugteslaai en die sous soms as bestanddeel van vleissous. Boeremeisies word geëet en gedrink op besondere geleenthede soos geboortes, doopplegtighede, huwelike en begrafnisse. Dit is ‘n tradisionele Nederlandse drank en is veral gewild by ouer mense. Ook aan die Kaap was dit bekend. Tot die middel van die 20ste eeu was dit die manier om vrugte te preserveer. Toe kom die diepvries in algemene gebruik en kon vrugte daarin langer bewaar word.

Lees ook wysig