Bongani Baloyi
Bongani Michael Baloyi (gebore 28 Februarie 1987) is 'n Suid-Afrikaanse politikus. Hy het as burgemeester van die Midvaal Plaaslike Munisipaliteit tussen 2013 en 2021 gedien. Hy was op daardie stadium slegs 26 jaar oud en het gevolglik die jongste burgemeester in Suid-Afrikaanse geskiedenis geword. Baloyi is 'n lid van die Demokratiese Alliansie.
| Bongani Baloyi | |
 Baloyi in 2019 | |
Burgemeester van Midvaal
| |
| Ampstermyn 29 Augustus 2013 – 1 November 2021 | |
| Voorafgegaan deur | Timothy Nast |
|---|---|
| Opgevolg deur | Peter Teixeira |
Persoonlike besonderhede
| |
| Gebore | Bongani Michael Baloyi 28 Februarie 1987 Thokoza, Suid-Afrika |
| Nasionaliteit |  Suid-Afrika
|
| Politieke party | Demokratiese Alliansie |
Vroeë lewe wysig
Baloyi is op 28 Februarie 1987 in Thokoza, suidwes van Alberton aan die Oos-Rand, gebore.[1] Hy het op 'n jong ouderdom in politiek begin belangstel.[2]
Politieke loopbaan wysig
Baloyi het in 2005 'n lid van die Demokratiese Alliansie geword.[2] Hy was sedertdien lid van die party se Uitvoerende Komitee van die Vaalstreek, die Provinsiale Uitvoerende Komitee en die Federale Raad. Hy was ook 'n deelnemer aan die DA se Jong Leiers-program.[2]
Hy is in Mei 2011 as 'n proporsioneel-verteenwoordigende raadslid van die Midvaal-munisipaliteit verkies. Burgemeester Timothy Nast het hom as die lid van die burgemeesterskomitee vir ontwikkeling en beplanning aangestel. Nast het in Julie 2013 bedank nádat hy tot die Gautengse Beplanningskommissie aangewys is. Baloyi is as sy opvolger verkies en op 29 Augustus 2013 ingehuldig.[3] Hy is hierna in Augustus 2016 vir 'n volle termyn as burgemeester verkies.[4]
Onder Baloyi se leiding het Midvaal ses opeenvolgende ongekwalifiseerde ouditverslae ontvang.[5] In Maart 2020 kondig hy aan dat hy nie beskikbaar is vir herverkiesing in 2021 nie.[6] Daar word in politieke kringe bespiegel dat Baloyi 'n moontlike kandidaat vir die DA-leierskap kan wees.[7]
Insidente wysig
Baloyi en 'n ANC-lid is op 29 September 2018 in hegtenis geneem nadat hulle aanrandingsklagtes teen mekaar ingedien het, na 'n voorval tydens 'n boomplantgeleentheid in Savannah City.[8] Hy is op borgtog vrygelaat en die aanrandingsaak is later teruggetrek.[9]
Verwysings wysig
- ↑ (en) Maimane, Mmusi (30 Augustus 2013). "Bongani Baloyi new DA Mayor of Midvaal - Mmusi Maimane". Politicsweb. Besoek op 23 Maart 2020.
Bongani was born in Thokoza in Ekurhuleni in 1987.
- ↑ 2,0 2,1 2,2 (en) "Bongani Baloyi Executive Mayor". Demokratiese Alliansie. Besoek op 23 Maart 2020.
- ↑ (en) "New Midvaal mayor Bongani Baloyi sworn in". TimesLIVE. 30 Augustus 2013. Besoek op 23 Maart 2020.
- ↑ (en) "DA wins Midvaal municipality in Gauteng". BusinessTECH. 4 Augustus 2016. Besoek op 23 Maart 2020.
- ↑ (en) Seleka, Ntwaagae (28 Junie 2019). "Midvaal, the only municipality in Gauteng to achieve a clean audit, thanks staff". News24. Geargiveer vanaf die oorspronklike op 23 Maart 2020. Besoek op 23 Maart 2020.
- ↑ (en) "DA's best (and only) Gauteng mayor says this is his last term". select.timeslive.co.za. 4 Maart 2020. Geargiveer vanaf die oorspronklike op 23 Maart 2020. Besoek op 23 Maart 2020.
- ↑ (en) Joubert, Jan-Jan (23 Oktober 2019). "Mmusi Maimane resigns: Here's who may replace him as DA leader". The South African. Besoek op 23 Maart 2020.
- ↑ (en) Etheridge, Jenna (29 September 2018). "Midvaal mayor, man arrested over counter assault claims". News24. Geargiveer vanaf die oorspronklike op 23 Maart 2020. Besoek op 23 Maart 2020.
- ↑ (en) Dlamini, Penwell (1 Oktober 2018). "Midvaal mayor's assault case withdrawn". SowetanLIVE. Besoek op 23 Maart 2020.
Eksterne skakels wysig
Hierdie artikel is in sy geheel of gedeeltelik uit die Engelse Wikipedia vertaal.
