Maak hoofkeuseskerm oop

Brian Bunting (1920–2008) was 'n Suid-Afrikaanse aktivis, joernalis en skrywer. In 1952 was hy vir ’n jaar die sogenaamde Naturelleverteenwoordiger in die Volksraad vir die Wes-Kaapse distrik. Hy is egter weens sy lidmaatskap van die Suid-Afrikaanse Kommunistiese Party (SAKP) geskors en verban, waarna hy in die vroeë 1960’s na Londen uitwyk. Hy is veral bekend vir sy beskrywing van die eerste jare van apartheid in The Rise of the South African Reich.[1]

Brian Bunting
Geboortenaam Brian Percy Bunting
Geboorte 30 November 1919
Johannesburg
Sterfte 18 Junie 2008
Kaapstad
Nasionaliteit Suid-Afrika
Beroep Skrywer, joernalis
Bekende werke The Rise of the South African Reich
Huweliksmaat Sonia Isaacman
Kind(ers) Stephen, Peter, Margie

LewensloopWysig

Brian Percy Bunting is op 30 November 1919[2] (volgens sommige bronne, in 1920[1]) in Johannesburg gebore. Hy was die seun van Sidney Bunting, 'n stigterslid van die SAKP. Hy matrikuleer op 15 waarna hy aan die Universiteit van die Witwatersrand studeer en vir die kampuskoerant en die literêre tydskrif Umpa skryf.

Ná afloop van sy studies werk hy snags as subredakteur vir die Rand Daily Mail en Sunday Times terwyl hy sy honneurs-tesis voltooi. In 1942 sluit hy by die weermag aan, waar hy in Noord-Afrika en Italië as lugmeganikus en inligtingsbeampte dien.

Hy sluit in 1940 op 20-jarige ouderdom by die SAKP aan. In 1946 word hy tot die party se Johannesburgse distrikskomitee verkies en het later op die SAKP se sentrale komitee gedien. Ná die 1946-staking van mynwerkers is hy gearresteer, maar alle aanklagte teen hom is laat vaar.

Hy verhuis in 1946 op versoek van die SAKP na Kaapstad om The Guardian se redakteur by te staan. Van November 1952 tot Oktober 1953 dien jy as Naturelleverteenwoordiger in die Wes-Kaap se Volksraad, maar word vir sy betrokkenheid by die SAKP uitgeskop.

Hy het later die redakteur van The Guardian geword, maar staar al vanaf 1952 verbanning in die gesig. In 1960 word hy in hegtenis geneem en in 1962 onder huisarres geplaas. In 1963 is hy verbied om te publiseer.

In Julie 1963 emigreer hy na Engeland, maar keer in 1991 na Suid-Afrika terug en word in 1994 tot die parlement verkies.

Bunting is op 18 Junie 2008 in Kaapstad oorlede.[3]

VerwysingsWysig

  1. 1,0 1,1 HAT Taal-en-feitegids, Pearson, Desember 2013, ISBN 978-1-77578-243-8
  2. Profiel op whoswho.co.za, besoek op 13 Mei 2017
  3. Profiel op sahistory.org.za, besoek op 13 Mei 2017