Carleton Jones
Guy Carleton Jones (30 Junie 1888 - 3 Desember 1948) was 'n myningenieur en geoloog en is gebore in Halifax, Kanada. Hy ontvang sy opleiding aan McGill-Universiteit, Montreal. Hy arriveer in 1914 in Suid-Afrika en na sy oorlogdiens werk hy vir die res van sy lewe vir Consolidated Goldfields of South Africa. Hy maak 'n groot bydrae tot die ontwikkeling van die goudbedryf by Randfontein en Carletonville - wat na hom genoem is. Die Goue Medalje van die Institute of Mining and Metallurgy is aan hom toegeken.