Charl du Plessis (pianis)
Charl Petrus du Plessis (gebore 1977) is 'n Suid-Afrikaanse klassieke en jazzpianis. Hy is een van vyf Suid-Afrikaanse Steinway-kunstenaars en het twee Suid-Afrikaanse Musiektoekennings in onderskeidelik 2017 en 2018 ontvang. Die afgelope 20 jaar was hy die pianis vir die Suid-Afrikaanse sanger-liedjieskrywer Nataniël. Hy is ook die stigter en pianis van die Charl du Plessis Trio wat bestaan uit Werner Spies (bas) en Peter Auret (tromme).
Charl du Plessis | |
|---|---|
 | |
| Agtergrondinligting | |
| Gebore | 16 Februarie 1977 Bloemfontein, Suid-Afrika |
| Genres | Klassiek, Jazz |
| Beroep(e) | Pianis, Komponis, Verwerker |
| Instrumente | Klavier |
Vroeë lewe wysig
Charl Petrus du Plessis is in Bloemfontein, Suid-Afrika, gebore as die jongste kind van Charl en Helen du Plessis. Hy voltooi sy hele skoolloopbaan aan die seunskool Grey-kollege in Bloemfontein.[1][2] As 'n kind wat in 'n nie-musikale gesin gebore is, was Du Plessis gefassineer deur die Steinway & Sons-klavier in die gesin se sitkamer wat op daardie stadium slegs deel van die ameublement was. Op negejarige ouderdom het hy met formele klavierlesse begin en sy klavierpedagoë sluit onder meer in Annaliza Swart (1986-1991), Francois Rautenbach (1991-1992), Johan Cromhout (1992-1995) en Joseph Stanford (1996-2009).
Opvoeding wysig
Du Plessis studeer musiek aan die Universiteit van Pretoria, waarna hy in 2006 'n meestersgraad aan dieselfde universiteit voltooi met 'n verhandeling getiteld Die solo-klavierwerke van Charles Camilleri (1931-). Hy voltooi sy doktorsgraad aan die Universiteit van Pretoria in 2009 met 'n proefskrif getiteld Stilistiese interpretasie van Christopher Norton (1953-) se Microstyles vir klavier as vertrekpunt vir improvisasie. Hy is steeds 'n deeltydse dosent in klassieke en jazzklavier aan die Universiteit van Pretoria.[3] Tydens sy studie was Du Plessis die pryswenner van pryse soos die FAK Universiteit van Pretoria Beurskompetisie, die Dr Oppil Greeff-beurskompetisie, die Pretorium Trust-beurskompetisie, die Suid-Afrikaanse Musiekkompetisie-kompetisie, die bekroonde DJ Roode-beurskompetisie en die SAMRO-beurskompetisie.[4] Du Plessis het ook onder bekende musikante studeer, waaronder György Sebök in Ernen, Switserland, Dan Hearle en Stefan Karlsson aan die Universiteit van Noord-Texas, VSA,en Ulrich Koellah aan die Musikhochschule Winterthur in Zürich, Switserland.[5]
Loopbaan wysig
Sedert 1999 neem die Charl du Plessis Trio drie albums onder die vaandel van die Switserse platemaatskappy Claves Records op.[6] Die Trio woon ook jaarliks die Festival Musikdorf Ernen in Switserland by. Bekende konsertsale waar Du Plessis al gespeel het, sluit die Royal Albert Hall, die Berliner Philharmoniker, die Shangai Oriental Arts Centre en die Elbphilarmonie in Hamburg in. In Suid-Afrika het hy in die Kunstekaap (Kaapstad), die Suid-Afrikaanse Staatsteater ( Pretoria ) en die Sand du Plessis-teater ( Bloemfontein ) gespeel.
Du Plessis besoek gereeld kunstefeeste in Suid-Afrika soos Aardklop, die Klein Karoo Nasionale Kunstefees, Grahamstad Kunstefees en die Suidoosterfees. Hy toer ook gereeld deur die wêreld en het al met verskeie orkeste plaaslik en in die buiteland gespeel, waaronder die Florida Symphony Youth Orchestra, die Johannesburgse Filharmoniese Orkes en die Kaapstadse Filharmoniese Orkes. In 2023 het hy ook die sanger Ike Moriz op sy toer in Duitsland vergesel.[7]
In 'n onderhoud met die tydskrif De Kat vertel Du Plessis hoe hy 'n loopbaan as entrepreneur uitgekerf het en elke aspek van sy professionele loopbaan bestuur.[8]
Prestasies en toekennings wysig
In 2010 het Du Plessis die jongste pianis in Afrika geword om 'n Steinway-kunstenaar te word.[9]
In 2017 verower Du Plessis 'n Suid-Afrikaanse Musiektoekenning (SAMA) vir Baroqueswing Vol. II as Beste Klassieke en Instrumentele Album. In 2018 ontvang hy dieselfde toekenning vir Baroqueswing Vol. III in dieselfde kategorie .
Op Internasionale Klavierdag 2017 word Du Plessis die eerste pianis ooit om 'n konsert bo-op Tafelberg aan te bied.[10]
Die Charl du Plessis Trio het ook 'n Ghoema-musiektoekenning vir beste instrumentele album en 'n Fiesta-toekenning vir Beste Musiekproduksie verower.[11]
Die album Piano Man was vir meer as sewentig agtereenvolgende weke bo-aan die treffersparade van die Suid-Afrikaanse radiostasie Classic FM.[12]
Tydens die Aardklop Nasionale Kunstefees in 2019 het Charl drie toekennings ontvang vir sy solovertoning waar sy eerste solo-album, Freehand, bekendgestel is: Beste Musiekgedrewe Produksie, Beste Uitvoering – Musiek en die ATKV-Aardklop-toekenning vir Innoverende Werk (slegs debuut).[13]
Diskografie wysig
- Trio (2008)
- Pianoman (2009)
- Beethoven tango met die violis Zanta Hofmeyr (2011)
- Shanghai brunch (2011)
- Pimp my piano (2013)
- Gershwin songbook (2015)
- Baroqueswing Vol. I (2017) (Claves)
- Baroqueswing Vol. II (2016) (Claves)
- Baroqueswing Vol. III (2018) (Claves)
- Freehand (2019)
- Imagine (2020) (Stenheim)
Verwysings wysig
- ↑ "Charl du Plessis : Oud-Grey se musiektalent, passie en toewyding is onstuitbaar | Grey College". www.gc.co.za. Besoek op 28 Junie 2018.
- ↑ Pretoria News (10 September 2009). "Piano man Charl du Plessis tickles our fancy". Pretoria News (in Engels). Geargiveer vanaf die oorspronklike op 31 Maart 2019. Besoek op 29 Junie 2018.
- ↑ "Charl du Plessis Trio | The Orbit – Jazz Club & Bistro – Johannesburg". Geargiveer vanaf die oorspronklike op 31 Maart 2019. Besoek op 13 Januarie 2019.
- ↑ "Charl du Plessis – Charl du Plessis". charlduplessis.com (in Engels). Geargiveer vanaf die oorspronklike op 31 Maart 2019. Besoek op 13 Januarie 2019.
- ↑ "Piano Man Charl du Plessis". www.brooklyntheatre.co.za (in Engels). Geargiveer vanaf die oorspronklike op 31 Maart 2019. Besoek op 13 Januarie 2019.
- ↑ "Charl du Plessis Trio". Claves Records (in Frans). Geargiveer vanaf die oorspronklike op 27 April 2020. Besoek op 28 Junie 2018.
- ↑ "Konsert in die Baroksaal met Ike Moriz en Charl Du Plessis". Besoek op 8 Augustus 2023.
- ↑ Charl du Plessis Afrikaans Interview, 2011-02-22, https://www.youtube.com/watch?time_continue=11&v=J2yewmKjo6U, besoek op 2018-06-29
- ↑ People of Note - Charl Du Plessis, https://iono.fm/e/392638, besoek op 2018-06-14
- ↑ "Cableway celebrates World Piano… – Table Mountain". www.tablemountain.net (in Engels). Geargiveer vanaf die oorspronklike op 31 Maart 2019. Besoek op 29 Junie 2018.
- ↑ "Charl du Plessis Trio". Silver Mountain Music Festival, Grootvadersbosch, South Africa (in Engels). Geargiveer vanaf die oorspronklike op 20 Januarie 2019. Besoek op 29 Junie 2018.
- ↑ "Charl du Plessis Trio | Presenter". www.expressoshow.com. Geargiveer vanaf die oorspronklike op 16 Mei 2020. Besoek op 29 Junie 2018.
- ↑ "Aardklop-toekennings 2019: WENNERS bekendgemaak – Aardklop" (in Engels). Geargiveer vanaf die oorspronklike op 16 Mei 2020. Besoek op 18 November 2019.