Churchillrivier
Die Churchillrivier (Engels: Churchill River; Frans: Rivière Churchill) is 'n groot oos-vloeiende rivier in Kanada. Die Churchillrivier het 'n lengte van 1 609 km en vloei deur die Kanadese provinsies Saskatchewan en Manitoba; van sy sytakke ontspring ook in Alberta.
| Churchillrivier | |
|---|---|
 | |
 Die stroomgebied van die Churchillrivier. | |
| Oorsprong | Churchillmeer naby Buffalo Narrows (Saskatchewan, Kanada) |
| Monding | Churchill, Manitoba, Kanada Hudsonbaai |
| Stroomgebied | Saskatchewan en Manitoba (Kanada) |
| Lengte | 1 609 km (1 000 myl)[1] |
| Oorspronghoogte | 421 m (1 381 vt) |
| Mondinghoogte | 0 m (0 vt) |
| Gemiddelde afloop | 1 200 m³/s (42 000 vt³/s) |
| Stroomgebiedopp. | 281 300 km² (108 600 myl²)[1] |
Die Churchillrivier ontspring in die Churchillmeer naby Buffalo Narrows, Saskatchewan, vloei in 'n oostelike rigting en bereik die provinsie Manitoba. Verder oos begin die rivier in 'n noordoostelike rigting vloei en mond naby die stad Churchill in die Hudsonbaai uit.
Sedert 1977 word sowat 60% van die Churchillrivier se water in die parallel vloeiende Nelsonrivier omgelei – sowat 760 m³/s. Die gemiddelde afloop aan die Churchillrivier se monding is as gevolg van die hidro-elektriese projek van voorheen 1 200 m³/s tot nou 510 m³/s verminder.
Die Cree-naam vir die rivier is Missinipi en beteken "groot waters". Die Churchillrivier is na John Churchill, die 1ste hertog van Marlborough wat vanaf 1685 tot 1691 as goewerneur van die Hudson's Bay Company gedien het, genoem.
Verwysings
wysig- ↑ 1,0 1,1 (en) "Principal rivers and their tributaries". Statistiek Kanada. Februarie 2, 2005. Geargiveer vanaf die oorspronklike op 6 September 2006. Besoek op 13 Januarie 2010.
{{cite web}}:|archive-date=/|archive-url=timestamp mismatch (hulp)
Eksterne skakels
wysig
Wikimedia Commons het meer media in die kategorie Churchillrivier.- (en) "Churchill River (Manitoba)". The Canadian Encyclopedia. Besoek op 5 Augustus 2020.
