Afrikasivet
Die Afrikasivet (Civettictis civetta) is 'n lid van die familie Viverridae en die subfamilie Viverrinae. Die soogdier kom in die noorde van Suid-Afrika, Zimbabwe, Mosambiek en die noorde van Botswana voor. Die dier staan ook bekend as die sivetkat.
| Afrikasivet | |
|---|---|
| |
| Die Afrikasivet, Civettictis civetta | |
Wetenskaplike klassifikasie 
| |
| Domein: | Eukaryota |
| Koninkryk: | Animalia |
| Filum: | Chordata |
| Klas: | Mammalia |
| Orde: | Carnivora |
| Suborde: | Feliformia |
| Familie: | Viverridae |
| Genus: | Civettictis |
| Spesie: | C. civetta
|
| Binomiale naam | |
| Civettictis civetta (Schreber, 1776)
| |
| Subspesies | |
| |
| |
| Verspreiding | |
Identifikasie
wysig
Die dier is gryswit met dowwe kolle op die voorkwarte en reëlmatige swart kolle wat op die agterkante oorgaan in strepe. Daar is 'n streep wat al op die rug langs loop en tussen die ore begin. Die bene is swart en die stert is wollerig en gering met 'n swart punt. Die ore is gerond met wit punte. Sy totale lengte is 120-140 cm en die stert is 40-50 cm lank. Sy skouerhoogte is 40 cm en sy massa is 9-15 kg.
Habitat en gewoontes
wysigHulle verkies bosveld met ruigtes en genoeg onderbos, verkieslik in 'n waterryke omgewing. Die diertjie is naglewend en sku. Hulle is op hul aktiefste vroeg in die aand en net voor sonop. Hulle leef gewoonlik alleen. Hulle eet insekte, muise, wilde vrugte, reptiele, paddas en voëls. Hulle natuurlike vyande is die leeu, luiperd en luislang. Een tot vier kleintjies word na 'n dratyd van ±2 maande tussen Augustus en Desember gebore.
Sien ook
wysig| Wikimedia Commons bevat media in verband met Afrikasivet. |
Verwysings
wysig- ↑ Ray, J., Gaubert, P. & Hoffmann, M. (2008). "Civettictis civetta". IUBN-rooilys van Bedreigde Spesies. Weergawe 2010.1. Internasionale Unie vir die Bewaring van die Natuur. Besoek op 12 Junie 2010.
{{cite web}}: Ongeldige|ref=harv(hulp)AS1-onderhoud: meer as een naam (link)
Bron
wysig- Die Soogdiergids van Suider-Afrika. Burger Cillié. 2009. ISBN 978-1-875093-46-5