Clarens, Vrystaat
Clarens is 'n klein dorp wat in die Oos-Vrystaat, Suid-Afrika, wat in 'n vallei van die Rooiberge, en binne sig van die Malutiberge geleë is. Dit ressorteer onder die Dihlabeng Plaaslike Munisipaliteit in die Thabo Mofutsanyana-distriksmunisipaliteit. Die dorp staan bekend as die "Juweel van die Vrystaat".
Clarens (Meqheleng bygereken) | |
|---|---|
 | |
| Byname: Juweel van die Vrystaat | |
  Clarens Clarens se ligging in Vrystaat | |
| Koördinate: 28°31′S 28°25′O / 28.517°S 28.417°O | |
| Land |  Suid-Afrika |
| Provinsie | Vrystaat |
| Distrik | Thabo Mofutsanyana |
| Munisipaliteit | Dihlabeng |
| Stigting | 1912 |
| Oppervlak | |
| • Totaal | 13,7 km2 (5,3 vk. myl) |
| Hoogte | 1 891 m (6 204 ft) |
| Bevolking (2011)[1] | |
| • Totaal | 6 379 |
| • Digtheid | 466/km2 (1 210/vk. myl) |
| Rasverdeling (2011) | |
| • Wit mense | 6.9% |
| • Indiërs/Asiërs | 0.5% |
| • Bruin mense | 0.7% |
| • Swart mense | 91.5% |
| • Ander | 0.4% |
| Taal (2011) | |
| • Sotho | 84.9% |
| • Engels | 6.3% |
| • Afrikaans | 4.9% |
| • Gebaretaal | 1.5% |
| • Ander | 2.4% |
| Poskode (strate) | 9707 |
| Poskode (posbusse) | 9707 |
| Skakelkode | 058 |
Geskiedenis
wysigDie dorp is in 1912 tussen die hoofsaaklik sandsteenberge gestig; teen die hang van die Rooiberge. Die dorp is vernoem na Clarens in Switserland waar President Paul Kruger van die Zuid-Afrikaansche Republiek in ballingskap oorlede is. Paul Kruger se verbintenis met Clarens gaan terug na 1866 toe hy sy Transvaalse kommando ter ondersteuning van die Vrystaat se oorlog teen die Basoeto's gelei het. Vyf van sy manskappe het by Noupoort gesneuwel.
NG gemeente Clarens
wysig
Die NG gemeente Clarens is in 1920 van Bethlehem afgestig. Die eerste predikant was ds. S.J. Stander. Die Clarens-tak van die Oranje-Vrouevereniging het die President Paul Kruger-gedenksaal vir die gemeente laat bou. Eers in 1940 is die kerkgebou opgerig waarvan die destydse predikant, ds. J.J. le Roux, die hoeksteen gelê het. In die voorportaal van die kerk is 'n klip ingemessel wat kom uit die fondament van die tweede Voortrekkerkerkie wat in Natal gebou is. Bokant die klip is 'n koperplaat aangebring met die opskrif: "Hierdie klip is uit die Marianna (Tweede Voortrekkerkerkie), gebou deur die Voortrekkers in 1852 op Mount Howell, tussen die groot en klein Tugelarivier, Natal, en is gesloop in 1874."
Die gemeente wat, soos die dorp, altyd klein was, se belydende lidmate het in 2012 op 142 gestaan en die dooplidmate op 65, vergeleke met 150 en 60 tien jaar vantevore (2002) en 285 en 126 in 1952.
Lidmate van die Nederduitsch Hervormde Kerk sowel as die Gereformeerde Kerk word bedien deur daardie kerke se gemeentes op Bethlehem.
Clarens vandag
wysigClarens is besonder gewild onder toeriste aangesien dit een van die mooiste bergdele in Suid-Afrika is. Clarens is naby die Golden Gate Hoogland Nasionale Park geleë. Die oordragtonnel van die Lesotho-Hoogland-waterprojek mond net buite die dorp uit in die Asrivier.
Fotogalery
wysig-
Die bekende Brandwagrots in die Golden Gate Nasionale Park naby Clarens -
Die Naauwpoort-gedenkteken -
Die Windmeul-winkelsentrum in Clarens -
Die Titanic-rots te Noupoortsnek digby Clarens -
'n Restaurant op Clarens. -
Die Oos-Vrystaatse landskap in die omgewing van Clarens
Sien ook
wysigBronne
wysig- Erasmus, B.P.J. Op pad in Suid-Afrika. Jonathan Ball Uitgewers. ISBN 1-86842-026-4.
- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
- Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.