Singswaan
Die singswaan (Cygnus cygnus) is groot swaan wat in die Noordelike halfrond aangetref word.
| Singswaan | |
|---|---|
.jpg)
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | C. cygnus
|
| Binomiale naam | |
| Cygnus cygnus (Linnaeus, 1758)
| |
Hierdie swane het 'n verspreiding wat strek van Ysland in die weste, tot Noord-Skandinawië en Finland en selfs verder oos, deur Rusland en Siberië, tot by die Kamchatka-skiereiland, op die Commander-eilande en in Anadyr. Alhoewel geensins algemeen nie, kan enkele voëls ook in Skotland, Ierland, Indië, China en Japan aangetref word.
Singswane het 'n spierwit veredos met 'n lang nek. Hul snawel is, soos ook by die Bewick- en fluitswaan, swart met geel merke by die basis, alhoewel die geel merke by die basis baie meer opmerklik is by die singswaan. Hierdie swane het 'n harde roep: 'n beuelgeskal wat uit twee note bestaan, die tweede noot hoër as die eerste.
Hul dieet bestaan hoofsaaklik uit waterplante, klein diertjies (soos wurms, waterinsekte en varswaterslakke) en lê- of drywende korrels vir hoenders en eende.
Singswane volg 'n seremonie wanneer hulle mekaar die hof maak: die paar swem na mekaar toe, terwyl hulle hul onderlywe uit die water lig, met hul vlerke klap en hulle koppe en nekke na bo strek. Singswane kies lewenslange maats en broei van September tot Desember. Hulle bou 'n groot nes van strooi en gras, waarin die wyfie vier tot nege roomwit eiers lê. Die kuikers verskyn na 35 tot 40 dae sal vir die res van die winter by hul ouers bly. Na vier tot vyf jaar is die nuwelinge broeigereed.
Sien ook
wysigBronnelys
wysig- BirdLife International (2004). Cygnus cygnus. 2006 IUBN-rooilys van bedreigde spesies. Internasionale Unie vir die Bewaring van die Natuur 2006. Verkry op 9 Mei 2006.
- Hilko Insel, (2005): Eksotiese Watervoëls. LAPA Uitgewers, Pretoria. ISBN 0-7993-3428-6