Désirée van der Walt

Désirée van der Walt (gebore 20 April 1956) is 'n lid van die Nasionale Vergadering van Suid-Afrika vir die opposisie Demokratiese Alliansie (DA). Sy het voorheen die party in die Limpopo provinsiale wetgewer verteenwoordig. Sy was ook die provinsiale leier van die DA. Van der Walt het al verskeie poste in die DA en skadukabinet beklee.

Désirée van der Walt
Désirée van der Walt
Van der Walt in 2010

Ampsbekleër
Termynaanvang
21 Mei 2014
Ampstermyn
21 April 2004 – 10 September 2010

Ampstermyn
10 September 2010 – 6 Mei 2014

Persoonlike besonderhede
Gebore 20 April 1956 (1956-04-20) (67 jaar oud)
Pietersburg
Politieke party Demokratiese Alliansie
Kind(ers) 3

Vroeë lewe en onderwys wysig

Van der Walt is in 1956 in Pietersburg in die destydse Transvaal gebore. Sy is die oudste van vier kinders. Haar vader het toe sy nog baie jonk was, gesterf. Sy wou graag 'n onderwyseres geword het, maar kon dit nie weens finansiële beperkings materialiseer nie. Sy werk toe by 'n bankinstelling en daarna vir die nasionale onderwysdepartement.[1] Van der Walt is getroud en het twee kinders.

Politieke loopbaan wysig

In 1995 het sy 'n lid van die Roodepoort stadsraad geword en het tot 2000 gedien toe sy 'n lid van Tzaneen se stadsraad geword het. Hierna word sy 'n lid van die Nasionale Vergadering van Suid-Afrika vir die DA in 2004, en was die party se woordvoerder vir kuns en kultuur. Sy is toe in 2008 as die provinsiale leier van die DA in Limpopo verkies.

In 2010 is sy as lid van die Limpopo provinsiale wetgewer ingehuldig nadat sy uit die Nasionale Vergadering bedank het. Jacques Smalle het Van der Walt na 'n fel stryd as provinsiale leier opgevolg in 2012.[2][3]

Sy keer later terug as 'n lid van die Nasionale Vergadering in 2014 en word as adjunk-skaduminister van basiese onderwys aangestel. Sy het hierna die pos van skaduminister van staatsdiens en administrasie beklee.

Van der Walt is in 2015 as die adjunk-provinsiale voorsitter van die DA verkies. Later die jaar is sy as een van drie nasionale ondervoorsitters van die DA verkies. Sy het hierdie amp tot 2018 beklee toe sy vir herverkiesing verslaan is.[4][5][6]

In 2017 is sy as die provinsiale voorsitter van die DA se vrouenetwerk verkies.[7] Lindy Wilson het haar opgevolg as die adjunk-provinsiale voorsitter van die party.[8]

In 2018 is sy as die hoof van die DA se Mopani-kiesafdeling in Limpopo aangestel. Sy het voorheen die Waterberg-Suid kiesafdeling behartig.[9][10]

Van der Walt is in 2019 as die adjunk-skaduminister van basiese onderwys aangewys.[11]

Verwysings wysig

  1. (in Engels) Hannam, Cheryllee. Desiree: a people’s person, CapricornReview, 29 Mei 2015. Besoek op 20 Desember 2019.
  2. (in Engels) New DA leader for Limpopo elected Geargiveer 29 Julie 2019 op Wayback Machine, News24, Polokwane, 9 Junie 2012. Besoek op 20 Desember 2019.
  3. (in Engels) Smalle to replace Van der Walt as Limpopo DA leader, IOL, Limpopo, 9 Junie 2012. Besoek op 20 Desember 2019.
  4. (in Engels) DA Limpopo elects new leadership Geargiveer 11 April 2019 op Wayback Machine, DA MPL Network, 23 Februarie 2015. Besoek op 20 Desember 2019.
  5. (in Engels) Maimane is the new DA leader Geargiveer 29 Julie 2019 op Wayback Machine, eNCA, 10 Mei 2015. Besoek op 20 Desember 2019.
  6. (in Engels) DA’s Desiree makes Limpopo proud, ReviewOnline, 12 Mei 2015. Besoek op 20 Desember 2019.
  7. (in Engels) DA announces Limpopo leadership Geargiveer 29 Julie 2019 op Wayback Machine, eNCA, 21 Oktober 2017. Besoek op 20 Desember 2019.
  8. (in Engels) BREAKING NEWS: Jacques Smalle re-elected as DA Provincial Leader, ReviewOnline, 21 Oktober 2017. Besoek op 20 Desember 2019.
  9. (in Engels) New constituency head for Waterberg South, Die Pos, 31 Mei 2018. Besoek op 20 Desember 2019.
  10. (in Engels) Desiree new head of Mopani Constituency, Letaba Herald, 11 Julie 2018. Besoek op 20 Desember 2019.
  11. (in Engels) The DA’s new Shadow Cabinet ready to make Parliament work for the people. Besoek op 20 Desember 2019.