Wikipedia

David Gorski

David Henry Gorski is 'n Amerikaanse chirurgiese onkoloog, professor in chirurgie aan die Wayne State University School of Medicine,[1] en 'n chirurgiese onkoloog aan die Barbara Ann Karmanos-kankerinstituut, wat in borskankerchirurgie spesialiseer.[2] Hy is 'n uitgesproke skeptikus en kritikus van alternatiewe medisyne en die anti-inentingsbeweging. Hy is die skrywer van die blog, Respectful Insolence, en die besturende redakteur van die webwerf Science-Based Medicine.[3][4][5]

David Gorski
Gorski in 2016
Gorski in 2016
Burgerskap Amerikaner
Alma mater
  • Case Western Reserve-universiteit
  • Universiteit van Michigan
Werkgebied chirurgiese onkologie
Werkplekke
  • Wayne State University School of Medicine
  • Barbara Ann Karmanos-kankerinstituut

Vroeë lewe en opvoeding

wysig

Gorski het aan die Universiteit van Michigan studeer, waar hy in 1988 sy doktersgraad ontvang het. In 1989 het hy 'n residensie in algemene chirurgie aan die University Hospitals Cleveland Medical Center betree. Gorski het die residensie verlaat vir 'n PhD in sellulêre fisiologie aan die Case Western Reserve-universiteit, wat hy in 1994 voltooi het, met 'n proefskrif getiteld "Homeoboksgeenuitdrukking en regulering in vaskulêre miosiete" (Engels:"Homeobox Gene Expression and Regulation in Vascular Myocytes").[6] Daarna het hy sy residensie hervat (1993-96) en 'n onkologienavorsingsgenootskap (1996–99) aan die Universiteit van Chicago voltooi.[7]

Loopbaan

wysig

Gorski was voorheen assistent-professor in chirurgie aan die Rutgers Cancer Institute van New Jersey en die Rutgers Robert Wood Johnson Medical School, in New Brunswick, NJ. Hy was ook lid van die nagraadse program in sel- en ontwikkelingsbiologie aan die Rutgers-univertiteit in Piscataway, NJ.[8]

Hy word mediese direkteur van die Alexander J. Walt Comprehensive Breast Center by die Barbara Ann Karmanos-kankerinstituut in 2010 en word in 2013 aangestel as mede-direkteur van die Borsonkologie-kwaliteitsinisiatief van Michigan.[9][10]

Gorski is 'n professor in chirurgie en onkologie aan die Wayne State University School of Medicine, wie se laboratorium navorsing doen oor transkripsionele regulering van vaskulêre endoteelselle fenotipe, sowel as die rol van metabotropiese glutamaatreseptore in borskanker.[11] Hy is die kankerskakeldokter vir die Komitee vir Kanker van die Amerikaanse kollege vir chirurge,[12] die stigter van die Instituut vir Wetenskap in Geneeskunde[13] en lid van die Amerikaanse Vereniging vir Kliniese Onkologie.[14]

In 2007 ontvang hy die toekenning vir gevorderde kliniese navorsing in borskanker van die Amerikaanse Vereniging vir Kliniese Onkologie.[15] Hy is in 2008, 2009 en 2010 navorsingstoekennings deur die Borskankernavorsingstigting toegeken.[14]

wysig

Gorski se navorsing is gebruik in terapeutiese antikanker-navorsing om die terapeutiese effekte van ioniserende bestraling te verbeter[16] en om die potensiaal van kombinasieterapieë te bepaal om die dosisse in toksiese konvensionele behandelings te verlaag,[17] terwyl tumorregering gehandhaaf word.[18]

Gorski se werk met Helena Mauceri en ander, gepubliseer in die faktydskrif Nature,[19] het gelei tot die ondersoek na die selektiewe vernietiging van kankergewasselle "sonder groot sistemiese newe-effekte."[20]

Sy artikel met Yun Chen het die gebruik van mikroRNS om die groei van nuwe bloedvate te reguleer ondersoek[21] en het gelei tot navorsing oor die gebruik van mikroRNS om die ontwikkeling van bloedvate te reguleer en sodoende die groei van kankergewasse te beperk.[22]

Skeptisisme van alternatiewe medisyne

wysig
 
Skeptici Steven Novella, Harriet Hall, David Gorski en Rachael Dunlop op 'n paneelgesprek in 2012

Gorski is skepties oor alternatiewe medisyne. In 2004 begin Gorski, onder die pseudoniem Orac, 'n blog met die titel "Respectful Insolence" by Blogspot, en dit word twee jaar later na die ScienceBlogs-webwerf verskuif.[23][24] In 2008 gebruik Gorski sy regte naam toe hy 'n webjpernaal by Science-Based Medicine begin skryf (hy gebruik Orac steeds vir "Respectful Insolence").[25][26][27] Hy is tans hul besturende redakteur en skryf artikels oor medisyne en pseudowetenskap, insluitend die anti-inentingsbeweging, alternatiewe terapieë en kankernavorsing en -behandeling.[28] Gorski vertel hoe lede van die anti-entstof blog Age of Autism in 2010 aan die raad van direkteure van die Wayne State University geskryf het en gevra het dat hy verhoed word om sy webjoernaal te skryf.[29]

Gorski het bygedra tot die reeks e-boeke van die James Randi Education Foundation getitld "Science Based Medicine Guides".[30] Hy is ook 'n genoot van die Committee for Skeptical Enquiry,[31] en het deelgeneem aan talle paneelbesprekings oor alternatiewe medisyne.[32] Hy het aandag gevestig op 'n artikel van John P. A. Ioannidis, Grieks-Amerikaanse dokter-wetenskaplike, skrywer en professor aan die Stanford Universiteit, oor probleme met gepubliseerde navorsing.[33] en het kommentaar gelewer op die toenemende infiltrasie van pseudowetenskap in die mediese veld met die gebruik van alternatiewe terapieë,[34] akupunktuur,[35] alternatiewe medisyne vir ontgifting,[36] en dieetbehandeling van outisme.[37]

Hy pleit vir openheid van die resultate van kliniese toetse en die gebruik van slegs bewysgebaseerde medisyne om siektes te behandel[38] het die Nasionale Gesondheidsinstitute en die Nasionale Sentrum vir Aanvullende en Alternatiewe Geneeskunde gekritiseer vir die befondsing en publikasie van navorsing oor onbewese terapieë wat nie deur wetenskaplike bewyse ondersteun word nie,[39] en het kommentaar gelewer op mediese etiek en metodes van alternatiewe medisyne.[40]

Gorski kritiseer die popularisering van pseudowetenskap deur die media en bekendes soos Oprah Winfrey,[41] Bill Maher,[42] Amerikaanse konserwatiewe mediakenner, skrywer en prokureur Ann Coulter,[43] en The Huffington Post.[44] In 2014 publiseer Gorski en mede-skeptikus Steven Novella 'n artikel waarin die studie van integrerende medisyne veroordeel word en as skadelik vir die wetenskap beskryf word.[45]

In Januarie 2020 ontleed Gorski 'n hersiening van sistematiese resensies in 2020 ("Acupuncture for the Relief of Chronic Pain: A Synthesis of Systematic Reviews") oor die gebruik van akupunktuur vir die behandeling van chroniese pyn. Gorski het in die webjoernaal Science-Based Medicine geskryf dat die bevindings daarvan die gevolgtrekking beklemtoon dat akupunktuur "'n teaterplasebo is waarvan die werklike geskiedenis onherkenbaar verander is". Hy het ook gesê dat hierdie resensie "die vele swakhede in die ontwerp van akupunktuurkliniese toetse onthul".[46]

Publikasies

wysig
  • Speyer, Cecilia L.; Nassar, Mahdy A.; Hachem, Ali H.; Bukhsh, Miriam A.; Jafry, Waris S.; Khansa, Rafa M.; Gorski, David H. (4 Mei 2016). "Riluzole mediates anti-tumor properties in breast cancer cells independent of metabotropic glutamate receptor-1". Breast Cancer Research and Treatment (in Engels). 157 (2): 217–228. doi:10.1007/s10549-016-3816-x. PMID 27146584. S2CID 23986691.
  • Welch HG, Gorski DH, Albertsen PC (2015). "Trends in Metastatic Breast and Prostate Cancer—Lessons in Cancer Dynamics". N Engl J Med (in Engels). 373 (18): 1685–1687. doi:10.1056/NEJMp1510443. PMID 26510017.
  • Gorski D. H. (2014). "Integrative oncology: really the best of both worlds?". Nat Rev Cancer (in Engels). 14 (10): 692–700. doi:10.1038/nrc3822. PMID 25230880. S2CID 33539406.
  • Kaufman, Allison; Kaufman, James C., reds. (2018). Pseudoscience : the conspiracy against science (in Engels). Cambridge, Massachusetts: The MIT Press. ISBN 978-0-262-03742-6. OCLC 989726695.[47]

Verwysings

wysig
  1. ↑ "David Gorski" (in Engels). Wayne State University - School of Medicine - Cancer Biology Program. Besoek op 9 Augustus 2021.
  2. ↑ "David Gorski M.D., Ph.D." Physician Details (in Engels). Barbara Ann Karmanos Cancer Institute, Wayne State University. 2013. Geargiveer vanaf die oorspronklike op 23 Oktober 2019. Besoek op 9 Augustus 2021.
  3. ↑ Szabo, Lisa (18 Junie 2013). "How to guard against a quack". USA Today (in Engels). Gannett. Besoek op 9 Augustus 2021.
  4. ↑ "David H. Gorski, MD, PhD – Managing Editor". Science-Based Medicine (in Engels). Besoek op 9 Augustus 2021.
  5. ↑ "Respectful Insolence". Respectful Insolence (in Engels). Besoek op 9 Augustus 2021.
  6. ↑ Gorski, D. (1994). Homeobox gene expression and regulation in vascular myocytes (in Engels). Case Western Reserve University. OCLC 31923610.
  7. ↑ "David Gorski, M.D." Faculty (in Engels). Department of Surgery / Detroit Medical Center, Wayne State University. 2005. Geargiveer vanaf die oorspronklike op 25 Januarie 2013. Besoek op 9 Augustus 2021.
  8. ↑ Bepler, Gerold (1 Februarie 2011). "Barbara Ann Karmanos Cancer Center names Dr. David Gorski leader of breast multidisciplinary team" (in Engels). PR Newswire. Besoek op 9 Augustus 2021. {{cite journal}}: Cite journal requires |journal= (hulp)
  9. ↑ "Breast Cancer Program" (in Engels). Barbara Ann Kamanos Cancer Institute, Wayne State University. 2013. Geargiveer vanaf die oorspronklike op 9 Oktober 2019. Besoek op 9 Augustus 2021.
  10. ↑ "Karmanos Cancer Center's Dr. David Gorski appointed program co-director of Michigan Breast Oncology Quality Initiative" (in Engels). Karmanos Cancer Institute. 30 Julie 2013. Geargiveer vanaf die oorspronklike op 1 Augustus 2017. Besoek op 9 Augustus 2021.
  11. ↑ "David H. Gorski". Cancer Biology Graduate Program (in Engels). Wayne State University School of Medicine. 2013. Geargiveer vanaf die oorspronklike op 22 Julie 2012. Besoek op 9 Augustus 2021.
  12. ↑ "Dr. David Gorski appointed Cancer Liaison Physician for Karmanos". Prognosis E-News (in Engels). Wayne State University School of Medicine. 7 Januarie 2009. Geargiveer vanaf die oorspronklike op 1 Augustus 2017. Besoek op 9 Augustus 2021.
  13. ↑ "David H. Gorski, MD, PhD". ISM Fellows (in Engels). Institute for Science in Medicine. 2011. Besoek op 9 Augustus 2021.
  14. ↑ 14,0 14,1 "2007 - 2008 Grantees" (PDF). Pink Press (in Engels). The Breast Cancer Research Foundation. 2008. p. 8. Geargiveer vanaf die oorspronklike (PDF) op 7 Augustus 2012. Besoek op 9 Augustus 2021.
  15. ↑ Fisher, Michele (11 Junie 2007). "New Jersey surgical oncologist receives prestigious award at international conference" (in Engels). University of Medicine and Dentistry of New Jersey. Geargiveer vanaf die oorspronklike op 5 Februarie 2013. {{cite journal}}: Cite journal requires |journal= (hulp)
  16. ↑ Kerbel, Robert; Folkman, Judah (Oktober 2002). "Clinical translation of angiogenesis inhibitors". Nature Reviews Cancer (in Engels). 2 (10): 727–739. doi:10.1038/nrc905. ISSN 1474-175X. PMID 12360276. S2CID 14513505.
  17. ↑ Dvorak, Harold F. (1 November 2002). "Vascular Permeability Factor/Vascular Endothelial Growth Factor: A Critical Cytokine in Tumor Angiogenesis and a Potential Target for Diagnosis and Therapy". Journal of Clinical Oncology (in Engels). American Society of Clinical Oncology. 20 (21): 4368–4380. doi:10.1200/JCO.2002.10.088. ISSN 1527-7755. PMID 12409337.
  18. ↑ Klement, Giannoula; Baruchel, Sylvain; Rak, Janusz; Man, Shan; et al. (15 April 2000). "Continuous low-dose therapy with vinblastine and VEGF receptor-2 antibody induces sustained tumor regression without overt toxicity". Journal of Clinical Investigation (in Engels). American Society for Clinical Investigation. 105 (8): R15–R24. doi:10.1172/JCI8829. ISSN 0021-9738. PMC 517491. PMID 10772661.
  19. ↑ Mauceri, Helena J.; Hanna, Nader N.; Beckett, Michael A.; Gorski, David H.; et al. (16 Julie 1998). "Combined effects of angiostatin and ionizing radiation in antitumour therapy". Nature (in Engels). 394 (6690): 287–291. Bibcode:1998Natur.394..287M. doi:10.1038/28412. PMID 9685160. S2CID 4391890.
  20. ↑ Semenza, Gregg L. (1999). "Regulation of Mammalian O2 Homeostasis by Hypoxia-Inducible Factor 1". Annual Review of Cell and Developmental Biology (in Engels). 15 (1): 551–578. doi:10.1146/annurev.cellbio.15.1.551. ISSN 1081-0706. PMID 10611972.
  21. ↑ Chen, Yun; Gorski, David H. (1 Februarie 2008). "Regulation of angiogenesis through a microRNA (miR-130a) that down-regulates antiangiogenic homeobox genes GAX and HOXA5". Blood (in Engels). American Society of Hematology. 111 (3): 1217–1226. doi:10.1182/blood-2007-07-104133. ISSN 0006-4971. PMC 2214763. PMID 17957028.
  22. ↑ Fish, Jason E.; Santoro, Massimo M.; Morton, Sarah U.; Yu, Sangho; et al. (12 Augustus 2008). "miR-126 Regulates Angiogenic Signaling and Vascular Integrity". Developmental Cell (in Engels). Cell Press. 15 (2): 272–284. doi:10.1016/j.devcel.2008.07.008. ISSN 1534-5807. PMC 2604134. PMID 18694566.
  23. ↑ Bremner, Doug (19 September 2008). "Blogging doctors rock on!". The Huffington Post (in Engels). Besoek op 11 Augustus 2021.
  24. ↑ Gorski, David. "Respectful Insolence" (in Engels). ScienceBlogs. Geargiveer vanaf die oorspronklike op 24 Junie 2013. Besoek op 11 Augustus 2021.
  25. ↑ "Who is Orac?" (in Engels). Respectful Insolence. Besoek op 11 Augustus 2021.
  26. ↑ Beall, Jeffrey (2018). "Chapter 12: Scientific Soundness and the Problem of Predatory Journals". In Kaufman, Allison B.; Kaufman, James C (reds.). Pseudoscience: The Conspiracy Against Science (in Engels). MIT Press. ISBN 9780262344821.
  27. ↑ Specter, Michael (29 Oktober 2009). Denialism: How Irrational Thinking Harms the Planet and Threatens Our Lives (in Engels). Penguin Group US. ISBN 978-1-101-15102-0.
  28. ↑ Jones, Val (4 Junie 2009). Kevin Pho (red.). "Hostility Towards Scientists and Jenny McCarthy's Latest Video". KevinMD.com (in Engels). MedPage Today. Besoek op 11 Augustus 2021.
  29. ↑ Gorski, David H. (18 Junie 2010). "The price of opposing medical pseudoscience". Science-Based Medicine (in Engels). Besoek op 11 Augustus 2021.
  30. ↑ JREF Staff. "JREF publishes three volumes on science-based medicine". James Randi Education Foundation (in Engels). Besoek op 11 Augustus 2021.
  31. ↑ "CSI Fellows and Staff". Committee for Skeptical Inquiry (in Engels). 2009. Besoek op 11 Augustus 2021.
  32. ↑ "Drs. Ben Goldacre, David Gorski and Michael Shermer on the threat of pseudoscience". McGill University Faculty of Science (in Engels). 18 Oktober 2010. Besoek op 11 Augustus 2021.
  33. ↑ Roach, Mary; Folger, Tim (4 Oktober 2011). The Best American Science and Nature Writing 2011: The Best American Series. Houghton Mifflin Harcourt. pp. 123–124. ISBN 978-0-547-67846-7.
  34. ↑ Page, Leigh (12 Junie 2013). "What to do when a patient wants 'alternative' medicine". Medscape Business of Medicine (in Engels). Medscapee. Besoek op 11 Augustus 2021.
  35. ↑ Salzberg, Steven (15 Februarie 2010). "Battlefield acupuncture: Pseudoscience for wounded troops". Forbes.com (in Engels). Forbes Media. Besoek op 11 Augustus 2021.
  36. ↑ Lee, Linda (13 April 2012). "Bridal Hunger Games: Losing Weight in Time for the Wedding". The New York Times (in Engels). Besoek op 11 Augustus 2021.
  37. ↑ Hansen, Lacy Jaye (7 Desember 2012). "The GAPS diet claims you can eat away autism. But can you really?". Diets in Review.com (in Engels). Besoek op 11 Augustus 2021.
  38. ↑ Miller, Naseem (14 Mei 2010). "Most drug trial results analyzed by FDA hidden from view". Accountability (in Engels). The Center for Public Integrity. Geargiveer vanaf die oorspronklike op 30 Julie 2018. Besoek op 11 Augustus 2021.
  39. ↑ Greek, Ray; Menache, Andre (2013). "Systematic reviews of animal models: Methodology versus epistemology". International Journal of Medical Sciences (in Engels). Ivyspring Internationa. 10 (3): 206–221. doi:10.7150/ijms.5529. PMC 3558708. PMID 23372426.
  40. ↑ Khorana, Alok (16 September 2009). "Alternative medicine and trials of dubious ethicality". OncNotes (in Engels). Medscape. Besoek op 11 Augustus 2021.
  41. ↑ Shomon, Mary (2 Junie 2009). "Media and bloggers accuse Oprah of medical malpractice". About.com: Thyroid Disease (in Engels). Besoek op 11 Augustus 2021.
  42. ↑ Fahey, Jonathan; Whelan, David (14 Januarie 2010). "In Pictures: Celebs Who Take On Science". Forbes.com (in Engels). Forbes Media. p. 8. Besoek op 11 Augustus 2021.
  43. ↑ Miller, Henry I. (21 Desember 2011). "Can tiny amounts of poison actually be good for you?". Forbes.com (in Engels). Forbes Media. Geargiveer vanaf die oorspronklike op 10 April 2017. Besoek op 11 Augustus 2021.
  44. ↑ Whelan, David (9 Februarie 2011). "AOL-Huffington on health: Does Tim Armstrong think vaccines cause Autism?". Forbes.com (in Engels). Forbes Media. Besoek op 11 Augustus 2021.
  45. ↑ Gorski, David H.; Novella, Steven P. (September 2014). "Clinical trials of integrative medicine: testing whether magic works?". Trends in Molecular Medicine (in Engels). 20 (9): 473–6. doi:10.1016/j.molmed.2014.06.007. PMID 25150944.
  46. ↑ Gorski, David (6 Januarie 2020). "More evidence that acupuncture doesn't work for chronic pain". sciencebasedmedicine.org (in Engels). Science-Based Medicine. Geargiveer vanaf die oorspronklike op 6 Januarie 2020. Besoek op 11 Augustus 2021.
  47. ↑ Bigliardi, Stefano (2019). "The Advocates of Pseudoscience Are Not Monsters - but Pseudoscience Is". Skeptical Inquirer. Center for Inquiry. 43 (6): 58–59.
Ontsluit van "https://af.wikipedia.org/w/index.php?title=David_Gorski&oldid=2478037"