Debbie Schäfer
Deborah Anne "Debbie" Schäfer (gebore 18 Desember 1966) is 'n Suid-Afrikaanse politikus en prokureur wat die Wes-Kaapse minister van onderwys was, en ook 'n gewese lid van die Wes-Kaapse Provinsiale Parlement. Sy was voorheen 'n lid van die Nasionale Vergadering van Suid-Afrika tussen 2009 en 2014. Tydens haar termyn as 'n LP het sy ampte soos adjunkskaduminister van justisie en grondwetlike ontwikkeling en adjunkskaduminister van polisie binne die Demokratiese Alliansie se skadukabinet beklee.
| Debbie Schäfer | |
.jpg) Schäfer in Mei 2009 | |
Wes-Kaapse provinsiale minister van onderwys
| |
| Ampstermyn 26 Mei 2014 – 15 Mei 2022 | |
| Premier | Alan Winde Helen Zille |
|---|---|
| Voorafgegaan deur | Donald Grant |
| Opgevolg deur | David Maynier |
Adjunkskaduminister van justisie en staatkundige ontwikkeling
| |
| Ampstermyn 6 September 2010 – 6 Mei 2014 | |
| Voorafgegaan deur | Natasha Mazzone |
| Opgevolg deur | Werner Horn |
Adjunkskaduminister van polisie
| |
| Ampstermyn 14 Mei 2009 – 6 September 2010 | |
| Voorafgegaan deur | Onbekend |
| Opgevolg deur | Mpowele Swathe |
Lid van die Nasionale Vergadering van Suid-Afrika
| |
| Ampstermyn 6 Mei 2009 – 6 Mei 2014 | |
Lid van die Wes-Kaapse Provinsiale Parlement
| |
| Ampstermyn 21 Mei 2014 – 15 Mei 2022 | |
Persoonlike besonderhede
| |
| Gebore | 18 Desember 1966 Pietermaritzburg, Natal, Suid-Afrika |
| Nasionaliteit | Suid-Afrikaner |
| Politieke party | Demokratiese Alliansie |
| Eggenoot/-note | Mark |
| Kind(ers) | 2 |
| Alma mater | Universiteit van Kaapstad |
Vroeë lewe en familie
wysigSchäfer is op 18 Desember 1966 in Pietermaritzburg in Natal gebore. Gedurende haar vroeë jare het haar gesin na Johannesburg verhuis, waar sy haar laerskoolopleiding voltooi het. Hulle het later na Kaapstad verhuis waar sy in 1984 aan Hoërskool Bergvliet gematrikuleer het.[1]
Sy het 'n Baccalaureus artium in Engels en Sielkunde aan die Universiteit van Kaapstad behaal en later in 1990 het sy 'n LLB-graad aan dieselfde universiteit verwerf. Sy is met Mark Schäfer getroud. Die egpaar het tweelingdogters wat albei in 2017 gematrikuleer het.[2]
Schäfer het vir twaalf jaar as 'n prokureur van die Wes-Kaapse hooggeregshof gepraktiseer voordat sy haar politieke loopbaan as 'n wykraadslid begin het.
Politieke loopbaan
wysigSchäfer het in 1999 by die Demokratiese Party aangesluit. In 'n tussenverkiesing in 2002 is sy tot die Kaapstadse stadsraad en raadslid vir wyk 62 verkies. Die wyk het die voorstede van Wynberg en Constantia ingesluit. Met die 2006-verkiesing is sy as die raadslid vir wyk 73 verkies. In 2009 is sy as lid van die Nasionale Vergadering van Suid-Afrika verkies. Sy is op 6 Mei 2009 as 'n lid ingehuldig.
Op 14 Mei 2009 het die Demokratiese Alliansie 'n verklaring uitgereik waarin Schäfer as die adjunkskaduminister van polisie aangewys is.[3][4] Die parlementêre leier van die Demokratiese Alliansie, Athol Trollip, het sy skadukabinet in September 2010 hervorm en Schäfer as die adjunkskaduminister van justisie en grondwetlike ontwikkeling aangestel.[5] Sy het haar pos behou toe die nuutverkose parlementêre leier, Lindiwe Mazibuko, haar skadukabinet in Februarie 2012 aangekondig het.[6] Tydens haar ampstermyn in die parlement het sy op die Landdroskommissie gedien.
In 2014 is sy tot die Wes-Kaapse Provinsiale Parlement verkies. Sy is op 21 Mei 2014 as 'n lid ingehuldig. Premier Helen Zille het Schäfer in die pos van provinsiale minister van onderwys aangestel.[7] Na haar herverkiesing in Mei 2019 het die nuutverkose premier Alan Winde vir Schäfer in dieselfde pos behou.[8]
Verwysings
wysig- ↑ (en) "Debbie Schäfer". AfricaCom (in Engels). Geargiveer vanaf die oorspronklike op 15 Junie 2020. Besoek op 15 Junie 2020.
- ↑ (en) "MEC Debbie Schäfer visits Westerford High School for matric results, 5 Jan". Suid-Afrikaanse Regering (in Engels). 4 Januarie 2018. Geargiveer vanaf die oorspronklike op 15 Junie 2020. Besoek op 15 Junie 2020.
- ↑ (en) "DA shadow cabinet - full list of names". Politicsweb (in Engels). 14 Mei 2009. Geargiveer vanaf die oorspronklike op 18 Junie 2020. Besoek op 15 Junie 2020.
- ↑ (en) Mkhwanazi, Siyabonga (15 Mei 2009). "Zille's shadow cabinet has nine women". IOL News (in Engels). Geargiveer vanaf die oorspronklike op 15 Junie 2020. Besoek op 15 Junie 2020.
- ↑ (en) "DA shadow cabinet reshuffled - Athol Trollip". Politicsweb (in Engels). 6 September 2010. Geargiveer vanaf die oorspronklike op 23 Junie 2019. Besoek op 15 Junie 2020.
- ↑ (en) "The DA's new shadow cabinet - Lindiwe Mazibuko". Politicsweb (in Engels). 1 Februarie 2012. Geargiveer vanaf die oorspronklike op 23 Maart 2019. Besoek op 15 Junie 2020.
- ↑ (en) "Premier appoints 2 women to her cabinet". IOL (in Engels). 22 Mei 2014. Geargiveer vanaf die oorspronklike op 5 Augustus 2019. Besoek op 15 Junie 2020.
- ↑ (en) "Winde names new Western Cape cabinet". IOL News (in Engels). 23 Mei 2019. Geargiveer vanaf die oorspronklike op 15 Junie 2020. Besoek op 15 Junie 2020.
Eksterne skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
