Die lugredery Delta Air Lines is 'n groot Amerikaanse maatskappy, met sy hoofkwartier in Atlanta, Georgia.[2] Die lugredery bedryf 'n uitgebreide nasionale en internasionale netwerk op ses vastelande. Delta Air Lines en sy filiale bedryf meer as 5 000 vlugte elke dag en het ongeveer 83 000 werknemers in diens.[3] Die lugredery se spilpunt by Hartsfield-Jackson Atlanta Internasionale Lughawe is die wêreld se besigste lughawe wat passasiersverkeer betref (dit hanteer meer as 91 miljoen passasiers per jaar) en die aantal aankomste en vertrekke. Dit is ook die tuiste van Delta se tegniese bedryfsentrum.[4] Delta is die sesde oudste lugredery en die oudste lugredery nog wat in die Verenigde State opereer. Delta Air Lines is een van die vier stigterslede van die SkyTeam-alliansie, die ander drie synde Korean Air, Air France en Aeroméxico. Die lojaliteitsprogram van Delta Air Lines is SkyMiles. Delta Air Lines was die wêreld se grootste lugredery in terme van vlootgrootte in 2011.[5] en geskeduleerde passasiersverkeer in 2012,[6] en die tweede grootste in terme van inkomste uit passasierskilometers gevlieg in 2012.[7] Die lugredery se streeksdiens word deur Delta Connection bedien.
Delta Air Lines
|
|
 'n Delta A330 in die huidige kleure geverf |
| IATA:
|
DL
|
| ICAO:
|
DAL
|
| Roepsein:
|
DELTA
|
| Gestig:
|
30 Mei 1924[1] |
| Ondernemingsvorm:
|
Aandelemaatskappy
|
| Hoofkwartier:
|
Atlanta, VSA
|
| Hooflughawe:
|
Hartsfield-Jackson Atlanta
|
| HUB:
|
Ed Bastian
|
| President:
|
Glen Hauenstein
|
| Werknemers:
|
83 000 (Des. 2021)
|
| Alliansie:
|
SkyTeam
|
| Bestemmings:
|
325 (2019)
|
| Vloot:
|
869 vliegtuie
|
| Webtuiste:
|
http://www.delta.com/
|
Delta Express Boeing 737-200
_landing_at_Amsterdam_Airport_Schiphol_(1).jpg)
