Air France

Die Franse lugdiens Air France (Frans: Compagnie Nationale Air France) is tans 'n dogtermaatskappy van Air France-KLM. Voor die oorname van die Nederlandse lugdiens KLM (Koninklike Lugvaartmaatskappy) in Mei 2004 opereer Air France as die nasionale lugdiens van Frankryk. Die lugredery het in 2013 byna 70 000 werknemers in diens gehad.

Air France

IATA ICAO Roepteken AF AFR Air Francy
Gestig	7 Oktober 1933
Hoofspille	Parys-Charles de Gaulle Parys Orly-lughawe
Fokusstede	Verskeie
Lojaliteitsprogram	Flying Blue
Alliansie	SkyTeam
Vlootgrootte	216
Bestemmings	211
Hoofkantoor	Roissypôle, Tremblay-en-France
Sleutelpersone	Anne Rigail (H.U.B.)
Omset	€16,1 miljard (2018)
Bedryfsinkomste	€266 miljoen (2018)
Werknemers	84 602 (Desember 2016)
Webwerf	http://www.airfrance.com

Vir die Sweedse musiekgroep, sien Air France (musiekgroep).

Die maatskappy, wat sy hoofkwartier op die Roissy-Charles de Gaulle-lughawe naby Parys het, is volgens omset die grootste en volgens passasiers-kilometers die derde grootste lugdiens ter wêreld.

Air France-KLM is tans 'n lid van die SkyTeam Alliance en werk hier nou saam met Delta Air Lines, Aéromexico, Korean Air, CSA Czech Airlines, Alitalia, Northwest Airlines en Continental Airlines.

Air France het deur die samesmelting van 'n aantal lugvaartmaatskappye ontstaan en later self verskeie lugdienste oorgeneem.

Voorlopers van Air France

• 1909 Stigting van die Compagnie Générale Transaérienne in Parys, wat 'n vloot van vliegbote besit
• 1918 Die Lignes Latécoère begin lugpos vervoer
• 1918 Stigtingsjaar van die lugdienste Aéronavale, Messageries Aèriennes, Grands Express Aériens, Lignes Farman en Messagieres Transaériennes
• 1920 Stigting van die Compagnie de Navigation Franco-Roumaine
• 1921 Die Compagnie Générale Transaérienne word deur Messageries Aériennes oorgeneem
• 1923 Messageries Aériennes en Grands Express Aériens smelt saam en kry die nuwe naam Air Union
• 1926 L'Aéronavale word deur Air Union oorgeneem, Aéropostale is die opvolger van die Lignes Latécorère
• 1930 Air Union en Lignes Farman bedien Wes-Europa, die vroeëre Compagnie de Navigation Franco-Roumaine bedien as Compagnie Internationale de Navigation Aérienne (CIDNA) Oos-Europa en Air Orient die Verre Ooste.

Air France

Airbus A320-200 van Air France

Air Orient, Air Union, Société Générale de Transport Aérien (die voormalige Lignes Farman) en die CIDNA smelt in 1933 saam en vorm die Société Centrale pour l'Exploitation de Lignes Aériennes (SCELA). Na die oorname van die bankrotte Aéropostale in Augustus 1933 word die maatskappy tot Air France hernoem en op 7 Oktober 1933 amptelik op die Paryse lughawe in Le Bourget ingewy. Die lugdiens oorneem die sowel simbool van Air Orient, 'n gevleuelde seeperdjie, asook die hoofkwartier in die Paryse rue Malbeuf. Tot by die Tweede Wêreldoorlog is daar naas Air France en die dogtermaatskappy Air France Transatlantique nog drie ander Franse lugdienste: Aéromaritime en Air Afrique, wat albei Afrika bedien, en die lugposdiens Air Bleu.

Tweede Wêreldoorlog

Tydens die oorlog oorhandig die Vichy-bewind die vliegtuie van Air France aan die Duitse Lufthansa. In Damaskus word onder die leiding van Charles de Gaulle die Lignes Aériennes Militaires (LAM) gestig, om die Franse gebiede te bedien, wat nie deur die Duitsers beset is nie. Hulle is die voorloper van die Réseau des Lignes Aériennes Françaises (RLAF), wat in 1945 in die lewe geroep word.

Nasionale lugdiens

Op 26 Junie 1945 word Air France, wat tot op daardie stadium 'n private onderneming was, genasionaliseer. Dit is die enigste lugdiens in Frankryk. Die RLAF staak sy diens op 29 Desember. Air France word 'n lid van die IATA.

TAI en UAT (1946-1948)

Die Franse regering staan die stigting van twee lugdienste in privaatbesit toe: Die TAI (Transports Aériens Intercontinentaux, 1946) en SATI (1948). SATI verander sy naam in 1949 in Union Aéromaritime de Transport (UAT).

Air Inter (1954)

Op 12 November 1954 word Air Inter gestig, 'n lugdiens wat hom op binnelandse vlugte toespits. Air France en die nasionale spoorwegmaatskappy SNCF word aandeelhouers.

UTA (1963)

UTA ontstaan deur die samesmelting van TAI en UAT. Danksy die herverdeling van lugdienskonsessies deur die Franse regering word die nuwe maatskappy in staat gestel om winsgewende roetes van Air France oor te neem.

Euroberlin (1988)

Air France stig die lugdiens EuroBerlin France, met die Duitse Lufthansa as aandeelhouer, om Wes-Duitsland met Wes-Berlyn te verbind. Met die Duitse hereniging word spesiale lugdienste van die westelike geallieerdes nie meer benodig nie; EuroBerlin France staak sy diens in 1992.

Groupe Air France (1990)

Die krisis van die lugvaartbedryf aan die begin van die negentigerjare lei tot 'n konsolidasie op die Franse mark. Air France word op 12 Januarie 1990 'n aandeelhouer van UTA. Die twee maatskappye vorm die Groupe Air France.

Samesmelting en rasionalisasie (1992-1997)

In 1992 word UTA volledig deur Air France oorgeneem. Die nuwe maatskappy het ook 'n meerderheidsaandeel in Air Inter. Air Inter word as gevolg van 'n herstrukturering op 1 April 1997 by Air France ingelyf. 'n Poging van British Airways en later Swissair, om met die lugdienste TAT, AOM en Air Liberté as mededingers van Air France die Franse mark te betree, misluk. Hulle onttrek later.

Privatisering (1998)

Air France raak op 3 Junie 1998 sy rol as "nasionale maatskappy" kwyt en word sedert 22 Februarie 1999 op die effektebeurs gelys. 72 persent van Air France se werkers het aandele in hul werkgewer se maatskappy.

SkyTeam (1999)

Op 22 Junie 1999 besluit Air France en die Amerikaanse lugdiens Delta Air Lines om 'n vennootskap te stig. Hulle vorm saam met Korean Air en Aeromexico die SkyTeam-alliansie. 'n Aantal bykomende maatskappye sluit hulle later by die alliansie aan.

Air France KLM (2004)

In Mei 2004 neem Air France deur middel van 'n ruil van aandele die Nederlandse Lugdiens KLM oor. Weens regsoorwegings bly die twee lugdienste voorlopig aparte ondernemings, wat hulle eie handelsmerke behou, en veral in die alliansie SkyTeam bly opereer.