Berg diastella
Die Berg diastella (Diastella divaricata subsp. montana) is 'n blomdraende struik wat tot die genus Diastella behoort en deel van die fynbos vorm. Die spesie is endemies aan die Wes-Kaap en kom voor in die Wemmershoekberge tot Villiersdorp, die westelike Riviersonderendberge, Hottentots-Hollandberge, Groenlandberg, Kleinmond en Kleinrivierberge. Die struik is plat en word slegs 50 cm hoog maar 2 m in deursnee en blom regdeur die jaar sonder 'n ooglopende hoogtepunt.
| Berg diastella | |
|---|---|
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Orde: | Proteales |
| Familie: | Proteaceae |
| Genus: | Diastella |
| Spesie: | D. d. montana
|
| Binomiale naam | |
| Diastella divaricata montana Rourke, (1976)
| |
Vuur vernietig die plant maar die sade oorleef. Twee maande nadat dit geblom het, val die vrugte af en miere versprei die sade. Hulle stoor die sade in hul neste. Die plant is eenslagtig. Bestuiwing vind plaas deur die werking van bye.
In Engels staan dit as die Mountain Silkypuff bekend.