Die Wêreld (tarotkaart)

Die Wêreld is die 21ste troefkaart in tarotkaartspeletjies en die 21ste Groot Arcana-kaart in pakke vir waarsêery. Dit word in albei gebruik en kan die laaste of tweede laaste kaart wees, met Die Dwaas wat óf die eerste óf die laaste kaart is.

Die Wêreld (XXI) van die Rider-Waite-tarotpak.

Christus word in 'n Duitse manuskrip omring deur die diere-embleme wat die vier evangeliste verteenwoordig.

Beskrywing

In die tradisionele Tarot van Marseille, sowel as in die latere Rider-Waite-tarotpak, dans of sweef 'n naakte vrou oor die aarde met 'n staf in elke hand. Sy word omring deur 'n krans, en vier lewende wesens uit die Joodse mitologie hou haar dop: 'n man, 'n leeu, 'n os en 'n arend. Die uitbeelding stem ooreen met die simboliek in Christelike kuns, waar die vier wesens gebruik word as simbole van die vier evangeliste. Sommige astrologiese bronne verduidelik dié waarnemers as verteenwoordigers van die natuurlike wêreld of die koninkryk van die diere. Volgens die astrologiese tradisie is die Leeu 'n vuurteken, die Bul 'n aardteken, die man is die Waterdraer, 'n lugteken, en die arend is die Skerpoen, 'n waterteken. Dié tekens is die vaste tekens en verteenwoordig die klassieke vier elemente.

In somme pakke is die krans 'n ouroboros wat sy eie stert byt. In die Thoth-tarot word die kaart "Die Heelal" genoem.

Vertolking

Volgens A.E. Waite se boek van 1910 Pictorial Key to the Tarot het Die Wêreld verskeie verbintenisse in waarsêery:

21 DIE WÊRELD – versekerde sukses, beloning, reis, roete, emigrasie, vlug, verandering van plek. Omgekeer – traagheid, onveranderlikheid, stagnasie, permanensie.

Die Wêreld verteenwoorig 'n einde aan die lewensiklus, 'n verposing in die lewe voor die volgende groot siklus met Die Dwaas begin. Die figuur is manlik én vroulik, bo en onder; sy hang tussen die hemel en die aarde. Dit is volledigheid. Dit verteenwoordig ook na bewering kosmiese bewustheid; die potensiaal van pefekte eenwording met die een mag van die heelal. Omdat die figuur manlik én vroulik is, wys dit heelheid wat onverbonde aan seksuele identifikasie is en word dit aangedryf deur albei energieë. Teenoorgestelde eienskappe tussen mans en vroue wat onrus in ons lewe skep, word op dié kaart verenig.

Bibliografie

• Case, Paul Foster (1947). The Tarot. Builders of the Adytum.
• DeVore, Nicholas (1947). Encyclopedia of Astrology. Philosophical Library.
• Place, Robert M. (2005). The Tarot: History, Symbolism and Divination. New York: Jeremy P. Tarcher/Penguin. ISBN 1-58542-349-1.
• Wood, Juliette (1998). "The Celtic Tarot and the Secret Tradition: A Study in Modern Legend Making". Folklore. 109 (1–2): 15–24. doi:10.1080/0015587x.1998.9715957.

Skakels

• Wikimedia Commons het meer media in die kategorie Die Wêreld (tarotkaart).

• Hierdie artikel is in sy geheel of gedeeltelik uit die Engelse Wikipedia vertaal.