Dwergadders

Die term dwergadders verwys na sewe kleiner slange wat deel vorm van die adders. Die slange lyk amper almal eenders en is moeilik onderskeibaar. Byte deur dié slange is pynlik, maar selde lewensgevaarlik. Kenmerkend van die slange is hulle reghoekige koppe wat baie maklik van die lyf onderskeibaar is. Sommige het 'n enkele horing terwyl ander 'n klossie horings bo die oë het. Hulle is die aktiefste teen sononder of vroeg in die oggend. Hulle sis, blaas en pik aggressief wanneer hulle bedreig word. Hulle word gereeld snags gesien wanneer hulle paaie kruis. Die slange is gemiddeld 250 tot 350 mm lank.

'n Ongemerkte bergadder

Horingsman

Fotograaf met 'n veelhoringadder in sy kameralens.

Die sewe dwergadders is:

• Horingsman
• Veelhoringadder
• Woestynbergadder
• Ongemerkte bergadder
• Rooiadder
• Albanie-adder
• Suidelike adder

Hulle word onderskei van die groot adders soos die pofadder, Gaboenadder en Bergadder.

Sien ook

• Alfabetiese lys van slange

Bron

• Watter Slang is dit? Johan Marais. Struik Uitgewers. 2008. ISBN 978 1 77007 732 4