Edmontosaurus
Edmontosaurus, of die edmontosourusse, was ’n genus eendbek-dinosourusse. Daar is twee bekende spesies: E. regalis en E. annectens. Fossiele van eersgenoemde is in westelike Noord-Amerika ontdek wat dateer uit die laat Campanium-tydsnede van die Kryt-periode, 73 miljoen jaar gelede, terwyl fossiele van laasgenoemde in dieselfde streek ontdek is, maar in rotse wat dateer uit die einde van die Maastricht-tydsnede van die Kryt, 66 miljoen jaar gelede. E. annectens was een van die laaste nie-vlieënde dinosourusse en het saam met ander soos Triceratops horridus en Tyrannosaurus rex voorgekom kort voor die Kryt-Paleogeen-uitwissing.
| Edmontosaurus | |
|---|---|
| |
| Die skelet van ’n E. regalis (Oxford-universiteitsmuseum van Natuurgeskiedenis). | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Superorde: | |
| Orde: | |
| Suborde: | |
| Familie: | |
| Genus: | †Edmontosaurus (Lambe, 1917)
|
| Tipespesie | |
| †Edmontosaurus regalis | |
| Spesies | |
| |
| Edmontosaurus | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
| Kladistiese klassifikasie | ||||||||||||||||||
|
Edmontosaurus het van die grootste eendbek-spesies ingesluit, en kon tot 12 m lank en 4 ton swaar word. Verskeie goed bewaarde voorbeelde is gevind wat nie net bene bevat nie, maar ook goeie velafdrukke en moontlike maaginhoud.
Beskrywing
wysigEdmontosaurus is in besonderhede beskryf na aanleiding van verskeie fossiele.[1][2][3][4] Hulle was nes ander eenbek-dinosourusse stewige diere met ’n lang, vertikaal plat stert en ’n eendagtige bek. Daar was geen benerige kraag op die skedel nie, maar wel ’n kamagtige kroon van vel en skubbe. Die voorpote was nie so sterk soos die agterpote nie, maar was lank genoeg sodat dit gebruik kon word terwyl die diere gestaan of beweeg het.
Verspreiding
wysigDie edmontosourusse het oor die hele westelike Noord-Amerika voorgekom. Dit lyk of hulle kusgebiede verkies het. Hulle was plantvreters wat op twee of vier pote kon beweeg. Getuienis van verskeie terreine dui daarop dat hulle in groepe gebly en rondgetrek het.
Klassifikasie
wysigDie boonste kladogram hier onder is volgens Horner et al. (2004),[5] en die onderste kladogram volgens Gates en Sampson (2007).[6]
| Hadrosaurinae |
| |||||||||||||||||||||||||||||||||||||||||||||
| Hadrosaurinae |
| ||||||||||||||||||||||||||||||||||||||||||
Verwysings
wysig- ↑ Lambe, Lawrence M. (1920). The hadrosaur Edmontosaurus from the Upper Cretaceous of Alberta. Memoir. Vol. 120. Department of Mines, Geological Survey of Canada. pp. 1–79. ISBN 0-659-96553-4.
- ↑ Gilmore, Charles W. (1924). A new species of hadrosaurian dinosaur from the Edmonton Formation (Cretaceous) of Alberta. Bulletin. Vol. 38. Department of Mines, Geological Survey of Canada. pp. 13–26.
- ↑ Sternberg, Charles M. (1926). A new species of Thespesius from the Lance Formation of Saskatchewan. Bulletin. Vol. 44. Department of Mines, Geological Survey of Canada. pp. 77–84.
- ↑ Lull, Richard Swann; Wright, Nelda E. (1942). Hadrosaurian Dinosaurs of North America. Geological Society of America Special Paper 40. Geological Society of America. pp. 50–93.
- ↑ Horner, John R.; Weishampel, David B.; Forster, Catherine A. (2004). "Hadrosauridae". In Weishampel, David B.; Dodson, Peter; Osmólska, Halszka (reds.) (reds.). The Dinosauria (2de uitg.). Berkeley: University of California Press. pp. 438–463. ISBN 0-520-24209-2.
- ↑ Gates, Terry A.; Sampson, Scott D. (2007). "A new species of Gryposaurus (Dinosauria: Hadrosauridae) from the late Campanian Kaiparowits Formation, southern Utah, USA". Zoological Journal of the Linnean Society. 151 (2): 351–376. doi:10.1111/j.1096-3642.2007.00349.x.
Eksterne bronne
wysig- What did the Edmontosaurus eat? How did it chew? Geargiveer 19 Julie 2011 op Wayback Machine Planet Earth aanlyn
- "Rare mummified dinosaur uncovered" Geargiveer 26 Oktober 2012 op Wayback Machine MSNBC.com
- Hadrosaurinae Geargiveer 8 Augustus 2009 op Wayback Machine by Thescelosaurus!
Wikimedia Commons het meer media in die kategorie Edmontosaurus.
Wikispecies het meer inligting verwant aan Edmontosaurus
