Eduard die Ouere

Eduard die Ouere (Engels: Edward the Elder; Oud-Engels: Ēadweard se Ieldra) (871-924) was van 899 tot met sy dood koning van Engeland. Hy was die seun van Alfred die Grote, wat hy ná sy dood opgevolg het. Hy het die Oostelike Middellande en Oos-Anglië in 917 van die Dene verower en het in 918 die heerser van Mercië geword ná die dood van sy suster Ethelfled.

Eduard die Ouere
Koning van Engeland

Huis Wessex
Regeer 899924
Voorganger Alfred die Grote
Opvolger Athelstan van Engeland of Ethelweard van Wessex
Eggenote Ecgwynn
Elffled
Eadgifu van Kent
Kinders Sowat 13, o.a.
Athelstan
Ethelweard
Edmund
Edred
Gebore c. 870; Wessex
Oorlede 924; Cheshire, Engeland
Vader Alfred die Grote
Moeder Ealhswith

Sy opvolging is betwis deur sy neef Ethelwold, wat by die Dene in Northumbrië en Oos-Anglië aangesluit het. Ethelwold se dood in 902 het ’n einde gemaak aan dié stryd.

Bewind wysig

Eduard was ’n uitstekende militêre leier en het die Deense gebied met geweld en geduld teruggebring onder Engelse heerskappy. In 901 het hy sy stryd teen die Dene (Vikings) begin en in 906 ’n groot mag in Kent en Essex verslaan. In 910 het hy die Dene in die noorde verslaan en daarmee heerser oor die grootste deel van Engeland geword.

Huwelik en kinders wysig

Eduard was drie keer getroud en het dertien kinders gehad, asook waarskynlik ’n paar buite-egtelike kinders.

Hy is in omstreeks 893 met Ecgwynn getroud. Hulle was die ouers van die toekomstige koning Athelstan en ’n dogter. Niks oor Ecgwynn is bekend nie, behalwe haar naam.[1][2]

Toe hy in 899 koning word, is Eduard getroud met Elffled, ’n dogter van Ethelhelm, die earl ("oudste") van Wiltshire.[3] Hul seun, Ethelweard het sy pa waarskynlik opgevolg, maar is net sestien dae daarna dood en die twee is saam begrawe. Edward and Elffled het ook ses dogters gehad.

Eduard is in omstreeks 919 vir die derde keer getroud, met Eadgifu,[3] die dogter van Sigehelm, die earl van Kent. Hulle het twee seuns gehad wat hul kinderjare oorleef het, Edmund en Edred. Hulle het ook twee dogters gehad.

Opvolging wysig

Eduard is in 924 dood en is nes sy pa in Winchester begrawe. Nadat sy seun en opvolger Ethelweard ná ’n bewind van slegs sestien dae dood is, is dié opgevolg deur sy waarskynlik buite-egtelike seun Athelstan. Twee ander seuns, Edmund en Edred, het ook die troon bestyg.

Verwysings wysig

Hierdie artikel is merendeels vertaal vanaf die Nederlandse Wikipedia-artikel nl:Eduard de Oudere
  1. "Edward the Elder, king of the Anglo-Saxons" (in Engels). Geargiveer vanaf die oorspronklike op 7 Januarie 2005. Besoek op 7 Augustus 2009.
  2. Lappenberg, Johann; Thorpe, Benjamin, vertaler (1845). A History of England Under the Anglo-Saxon Kings. J. Murray. pp. 98–99.{{cite book}}: AS1-onderhoud: meer as een naam (link)
  3. 3,0 3,1 Lappenberg, Johann; Thorpe, Benjamin, vertaler (1845). A History of England Under the Anglo-Saxon Kings. J. Murray. p. 99.{{cite book}}: AS1-onderhoud: meer as een naam (link)