Huis van Wessex
Die Huis van Wessex, ook bekend as die Huis van Cerdic, verwys na ’n familie wat oor Wessex, ’n koninkryk in die suidweste van Engeland, regeer het. Die huis was aan die bewind van die 6de eeu tot met die vereniging van die koninkryke van Engeland.
| Huis van Wessex | |
|---|---|
 Die goue gevleuelde draak van Wessex.
| |
| Land | Koninkryk van Wessex Koninkryk van Engeland |
| Titels | Koning van Wessex Koning van Engeland |
| Stigter | Cerdic van Wessex |
| Gestig in | 519 |
| Laaste heerser | Eduard die Belyer of Edgar Adeling |
In dié stadium het die huis die heersers van die hele Engeland geword – tot met Edmund Ironside in 1016. Dié periode van die Engelse monargie staan bekend as die Angel-Saksiese periode, hoewel hul bewind dikwels betwis is, veral deur die Deense koning Sven Vurkbaard wat die troon van 1013 tot 1014 opgeëis het tydens die bewind van Ethelred II.
Sven en sy nakomelinge het tot in 1042 regeer. Ná Hartaknoet was daar ’n kort tyd waarin die Angel-Saksers weer regeer het, tussen 1042 en 1066 onder Eduard die Belyer en Harold Godwinson.
Ná die Slag van Hastings, ’n deurslaggewende gebeurtenis in die geskiedenis van Engeland, het Willem die Veroweraar koning van Engeland geword. Pogings deur Edgar Adeling, ’n kleinseun van Edmund Ironside wat aanvanklik oorgesien is ten gunste van Harold, om die bewind terug te neem was onsuksesvol en Willem se afstammelinge het op die troon gebly. Edgar se niggie Matilda van Skotland het later met Willem se seun Hendrik I getrou en so die twee dinastieë verbind.
Die Huis van Wessex was die laaste inheemse dinastie wat oor Engeland regeer het. Hulle is opgevolg deur die Huis van Normandië (Normandies-Frans), Huis van Plantagenet (Frans), Huis van Tudor (Wallies), Huis van Stuart (Skots), Huis van Oranje (Nederlands), Huis van Hannover (Duits) en die Huis van Sakse-Koburg en Gotha wat in 1917 hernoem is tot die Huis van Windsor (Duits).
Die lys van Engelse konings begin tradisioneel in 829 met Egbert van Wessex.[1]
Engelse monarge van die Huis van Wessex
wysig
Verwysings
wysig- ↑ 1,0 1,1 1,2 1,3 1,4 Burke's Peerage & Gentry Geargiveer 28 Desember 2007 op Wayback Machine URL besoek op 7 September 2007.
- ↑ 2,0 2,1 2,2 2,3 "thePeerage.com – Æthelbald, King of Wessex and others". Besoek op 24 Oktober 2007.
- ↑ "King Egbert" (in Engels). Geargiveer vanaf die oorspronklike op 9 Oktober 2019. Besoek op 24 Oktober 2007.
- ↑ Heerskappy van 8 weke, Edgar die Adeling het oorgegee aan Willem die Grote. Schoolnet History. URL besoek op 23 November 2006
Skakels
wysig- Friar, Stephen (1993). Wyern of Wessex Basic Heraldry. ISBN 978-0-393-03463-9.
Wikimedia Commons het meer media in die kategorie Huis van Wessex.
Hierdie artikel is in sy geheel of gedeeltelik uit die Engelse Wikipedia vertaal.
