21 Desember

21 Desember is die 355ste dag van die jaar in die Gregoriaanse kalender (356ste in skrikkeljare). Daar volg nog 10 dae in die res van die jaar.

Gebeure

• 69 – Vespasianus word die vierde Romeinse keiser in die Jaar van vier keisers en die eerste van die Flaviaanse dinastie.
• 401 – Pous Innocentius I volg Pous Anastasius I op.
• 1124 – Pous Honorius II volg Pous Callixtus II op.
• 1381 – Pous Urbanus VI bevorder Piero Tomacelli (later Pous Bonifatius IX) tot kardinaal.
• 1602 – Die Escalade in Geneve. Die katolieke hertog van Savoye en 'n paar duisend man probeer in die nag die protestantse stad in te neem deur met lere oor die stadsmure te klim. Die burgers verslaan die aanvallers.
• 1782 – Gregorio Barnaba Chiaramonti (later Pous Pius VII) word tot biskop gewy.
• 1813 – 130 000 Russiese en Oostenrykse troepe marsjeer deur Switserland na Frankryk. Groot skade word aangerig en die Switserse streke word geplunder.
• 1878 – Giacomo della Chiesa (later Pous Benedictus XV) word priester.
• 1913 – Eerste blokkiesraaisel word in die New York World gepubliseer.
• 1958 – Charles de Gaulle word verkies tot eerste president van die Vyfde Republiek van Frankryk.
• 1968 – Apollo 8 word gelanseer, die eerste bemande sending om om die maan te wentel.
• 1976 – By 'n teeplantasie in die Honde-vallei in Rhodesië, word 27 plaaswerkers deur terroriste vermoor.
• 1988 – Die Lockerbie-bomaanval vind plaas: Pan Am vlug 103 word deur 'n bom opgeblaas.
• 1991 – Die voormalige Sowjet-republieke, Armenië, Azerbeidjan, Kasakstan, Kirgisië, Moldowa, Turkmenistan, Tadjikistan en Oesbekistan sluit by die Gemenebes van Onafhanklike State aan
• 1991 – Suid-Ossetië verklaar eensydig sy onafhanklikheid van Georgië.
• 1992 – Hongarye, Pole en die voormalige Tsjeggo-Slowakye stig die Sentraal-Europese Vryehandelsooreenkoms in Krakau, Pole.

Geboortes

• 1773 – Robert Brown, Skotse plantkundige († 1858).
• 1795 – Robert Moffat, Suid-Afrikaanse sendeling († 1883).
• 1870 – Sir Patrick Duncan, Britse politikus en sesde Goewerneur-generaal van Suid-Afrika († 1943).
• 1891 – Ernest Leonard Johnson, Suid-Afrikaanse sterrekundige († 1977).
• 1903 – Lucas Cornelius Steyn, Suid-Afrikaanse politikus en waarnemende Goewerneur-generaal van Suid-Afrika (1959 en 1961) († 1976).
• 1907 – Garmt Stuiveling, Nederlandse digter († 1985).
• 1918 – Dana Niehaus, Afrikaanse omroeper en akteur († 1995).
• 1936 – Adam Small, Afrikaanse digter en dramaturg († 2016).
• 1937 – Jane Fonda, Amerikaanse aktrise, skryfster en politieke aktivis.
• 1940 – Frank Zappa, Amerikaanse rockmusikant en komponis († 1993).
• 1948 – Samuel L. Jackson, Amerikaanse akteur.
• 1949 – Thomas Sankara, rewolusionêre president van Burkina Faso vanaf 1983 tot 1987 († 1987).
• 1954 – Gysie Pienaar, Suid-Afrikaanse rugbyspeler en Springbokheelagter.
• 1962 – Steven Mnuchin, 77ste Minister van Finansies van die Verenigde State.
• 1985 – Karlien van Jaarsveld, Afrikaanse sangeres.

Sterftes

• 1798 – Laurynas Gucevičius, Litause argitek (* 1753)
• 1940 – F. Scott Fitzgerald, Amerikaanse skrywer (* 1896).
• 1962 – Alys Fane Trotter, Suid-Afrikaanse skryfster en kunstenares (* 1863).
• 1962 – Gary Hocking in 'n Lotus Climax sterf in 'n oefenwedren voor die Natalse Grand Prix op die Westmeadbaan (* 1937).
• 1967 – Louis Washkansky, wêreld se eerste hartoorplantingspasiënt (* 1913).

Vakansies, vierings, en waarnemingsdae

• Somersonstilstand in die Suidelike Halfrond, en wintersonstilstand in die Noordelike Halfrond.