Elandsrivier (Olifants, Limpopo)

Hierdie artikel handel spesifiek oor die Elandsrivier wat in Limpopo by die Olifantsrivier aansluit. Vir die ander riviere met dieselfde naam, sien Elandsrivier (meersinnig)

Die Elandsrivier is 'n takrivier van die Olifantsrivier in Limpopo in Suid-Afrika. Dit ontspring in die hoëveld van westelike Mpumalanga, en vloei dan in noordoostelike Gauteng onder die Molotopad (R573) deur. In die bankenveld het dit 'n aansienlike linkersytak wat ook as Elandsrivier bekend staan. Albei Elandsriviere loop noord van Cullinan deur imposante klowe wat diep in die bankenveld inkerwe, eersgenoemde by Muningi Gorge, en die tweede te Little Eden.

Elandsrivier
Die Elandsrivier aangedui op 'n kaart van 1887 Die Elandsrivier aangedui op 'n kaart van 1887
Stroomgebied	Limpopo en Mpumalanga, Suid-Afrika
Oorsprong	Naby Ekangala
Monding	Olifantsrivier
Oorsprong-hoogte	825 m
Elandsrivier
Koördinate: 24°52′51″S 29°21′28″O

Oorsprong

• 25.6611°S 28.7137°O / -25.6611; 28.7137
• asook ander kleiner spruite en lopies in Limpopo, Mpumalanga en Gauteng

Monding

• 24.8808°S 29.3578°O / -24.8808; 29.3578

Sytakke

• Kameelrivier
• Enkeldoringspruit
• Hartbeesspruit
• Elandsfonteinspruit

Damme

• Rust de Winterdam
• Rhenosterkopdam

Galery

• 
  Die Elands net stroomop van Rust de Winterdam
• 
  'n Rotskuil in 'n sytak in die bankenveld, wat insgelyk as die Elandsrivier bekend staan